Sem

Надруу царайгаа харуулаач 
          
          Надад дүрээ харуулаач 
          Намайг гээд инээхийг чинь 
          Харах, сонсох, мэдрэх дуртай би
          Намайг би чигээр минь хайрлаач 
          Би чамд харуулмаар сонсуулмаар мэдрүүлмээр байна өөрийгөө
          Буруу харсан шөнө бүр чинь 
          Саргүй шөнө шиг зэврүүн 
          Буруу алдаа гаргасан шөнө бүр чинь 
          Надад бурханы гэсгээл мэт зэвүүн 
          Надруу дүрээ харуулаач 
          Надад хайртайгаа хэлээч гэргий чинь… 

Чи
          Заримдаа намрын салхи шиг үлээнэ 
          Зуны бороо шиг шиврэнэ 
          Хаврын нар шиг төөнөнө 
          Цасан шуурга шиг жиндүүлнэ. 
          Чи хэн юм бэ? 
          Намайг үргэлж бодлогошруулдаг 
          Намайг үргэлж санаашруулдаг 
          Надад нулимс үлдээдэг 
          Надад инээд бэлэглээд аваад явчихдаг 
          Чи яг юу юм бэ? 
          Бүртэлзүүлж гэгэлзүүлчихээд 
          Бүүдгэр ертөнцөд орхиод явчихдаг 
          Нартай хамт ирчихээд 
          Жаргахтай нь хамт явчихдаг 
          Чи яг юу юм бэ? 
          Миний сэтгэлийг аваад явчихсан 
          Миний зүрхийг ураад хаячихсан 
          Миний хайрыг газарт гишгилсэн 
          Намайг би биш болгосон 
          Чи яг хэн юм бэ? 
          Би бас ойлгохгүй байна. 
          

Сайн сууна уу? найз минь 
          Саруулхан тэр өдрийн санаж байна уу
          Тэнгэр хичнээн цэлмэг байсныг 
          Тэнд байсан шувуудын жиргээг 
          Навч нахиа сэрчигнэн шуугиж 
          Намайг найз чамтай учруулсныг 
          Өглөөний цэнгэг агаар
          Өдрийн нарны алтан туяа 
          Газрын хол энэ нутаг
          Гэрээс минь өөр энэ газар 
          Гэр шиг минь санагдах болсон одоо 
          Магадгүй би тэртээ жилүүдийн цаана 
          Магад чамайг мартаж ч болно 
          Хорвоо ертөнцийн жамаар 
          Хойдхын буянаа дуудуулж ч болно 
          Гэсэн ч би найз чамайг мартахгүй 
          Гэр шигээ энэ хотыг ч бас мартахгүй 
          Үүрд… 
          Үүрд чиний найз хэвээр үлдэнэ 
          Үүрд энэ сургуулийн оюутан чигээр дурсагдана 
          Үүрд… 
          Мөр минь, сэтгэл минь, итгэл минь 
          Үүрд Нанжинд үлдэнэ… 
          

Хараач нар ямар сайхан ээж байгааг 
          Мэдрээч салхи ямар зөөлөн илбэж байгааг 
          Сонсооч шувууд зөвхөн чиний чихэнд шулганаж байгааг 
          Санаач намайг чамд ямар их хайртайг
          
          Миний мэдэрч байгааг чи мэдэрдэг үү 
          Чамайг хардаг шиг 
          Чамайг хайрладаг шиг 
          Чамайг үгүйлдэг шиг 
          Чамайг үзэн яддаг шиг 
          Чи надад тийм их сэтгэл гаргаж чадах уу? 

Би зөвхөн тэр өдрийн төлөө л хичээж байна. 
          Би тэр өдрийн төлөө л амьд байна 
          Би тэр зүйлийн төлөө л оршин байна 
          Би түүний төлөө л амьсгалж байна
          
          Бурханд амлалт бичээд ч болтугай 
          Чөтгөрт сүнсээ зараад ч болтугай 
          Тэр өдрийн төлөө би 
          Тэнхээгээ тасартал хичээсээр байх болно. 

Хүний нутгийн салхи нь хүртэл хүйтэн байдаг 
          Хүрэн зүрхний гүнд нутаг минь тодхон байдаг 
          Болдогсон бол үүлс хөлөглөөд харихсан 
          Бодолд минь дандаа зунаараа миний эх орон 
          Салхи аргадсан талын мөнгөн сэвшээг нь зүүдэлж сэрдэг 
          Санаанд тодхон тодгодын цаагуур наран жаргахад нулимас дуссан байдаг 
          Эх орон таны нэрийг бөхийлгөхгүйн тулд
          Энд би хичээж л явна. 
          Шороо нь хүртэл сайхан эх орны минь 
          Сүлд нь намайг харж явдаг юм. 
          
          2023.02.18 Хөхай их сургууль, Нанжин хот, БНХАУ. 

Чамайг санасан
          Магадгүй би 100 хоног чамаас холдсон гэвэл 
          Тэр нь надад 1000 хоног шиг санагдсан. 
          Манадгүй би чамаас 1000 хоног холдсон гэвэл 
          Тэр нь надад үүрд юм шиг санагдсан 
          Эцсийн амьсгалаа тасартал чамаас холдсон гэвэл 
          Тэр нь надад хэдэн үе амьдрал шиг санагдана… 
          Би чамд тийм л хайртай… 
          2023.2.6 Nanjing southway station, Nanjing city , China. 

Би өглөө босоод өчигдрийнхөөс илүү таргалсан байх вий гэхээс айдаг. 

Мөнхийн амь гэж үгүй 
          Мөнхийн хайр гэж үгүй
          Мөнхийн шаналал гэж үгүй 
          Мөнхийн зүйл гэж үгүй 
          Энэ амьдрал үүрдийнх биш зуурдынх
          Дахиж заавал төр гэвэл 
          Дахиж заавал төрлөө ол гэвэл 
          Дахиад би хүн болохыг үл хүснэ 
          Дахин төрвөл би мод болохыг хүснэ… 
          Сүүдэрт минь амьтан бүхэн сэрүүсэж 
          Мөчир минь салхинд найган 
          Хэн нэгэнийг сэрүүцүүлэг… 
          Гуньсан хэн бүхэн над дээр ирж уйлаг 
          Ганцаардсан хэн бүн надаас тайтгарлыг олог… 
          
          Би мод болно… 

          Өвөл болохоос өмнө учирч 
          Хавар болохоос өмнө дурлаж 
          Зун болохоос өмнө хайрлаж 
          Намар болохоос өмнө салсан 
          Тэгж анхны хайртайгаа учирсан ч …
          Хагацаж салахгүй юм шиг 
          Халуун зунаар дурлалцсан ч удаагүй… 
          Анхны хайр гэж чамайг нэрийдэе… 
          Анхны хайр гэж нэрлээд чамайг 
          Зүрхнийхээ гүнд цоожлоё. 
          Зүүдэндээ хааяа нууцаар гаргаж үзье. 
          
          Чи анхны хайр…