سعد الخشالي

مگابل صورتچ وأحچي وياّچ  ...
          ومن كثر شوگي ولهفتي عليچ
           احس انكسر خاطر الصورة ! 

مشتاقلچ لا تگولين شگد ..
          
          نجم السما هم ينحصي وينعد ؟ ..
          
          

أشتاگيتلچ شوگ جاهل  ..
          
          من صدر أمه مفطوم …  

سالفة روحي   … 
          ما عدها غيرچ سالفة …  
          

عشگنا عشگ أرواح  ...
          و ماكو انظف من عشگ روح  .. 

الشوگ يكتل ..  
          نار وتچوي الضلوع  ..
          
          خصوصاً إذا 
          بالوداع وتنزل دموع  !! 
          
          
          

مبيوگة سنين العمر  ..
          وإنتي رديتيهين إلي   ….. 
          ✺✺✺✺✺✺✺✺✺
          يفداچ كل عمري انا  ..
          عگبچ بالدنيا شلي  ؟! 

أشتهيتچ حلم  .. بس ما يجيني النوم !

دزيتلچ وي نسيم الهاب
          بوسة و رشّة من عطري 
          البوسة ضميها لبعد رمضان 
          أو لا .. للمغرب عليها فطري  ..

يسألوني عليچ ، الگلب والروح ..
          خلّصت الحجج .. بيش ألهّيهم  !