Purvaaiyon ka jhokha,
ye baarish ki boondein
bheeni mitti ki khushboo…
aur tumhare baahon ki garmahat
har cheez tumhari yaad laati hai.
Kehte ho tum,
hoon main tumhare 'Syaahi-raat ka chaand',
aur tum mere purv ke taare
andhiyaara gehraate hi dil tumko pukare.
ho paas, par phir bhi jaise
nadiyon ke do kinaare.
Keh do na…
ki tumko bhi mohabbat hai humse,
kar do izhaar ki tumko bhi hai pyaar.
Main lad jaungi is duniya se,
bas ek tumhara saath paane ko
par tum ho… jo chup reh kar
apne jazbaat mujhse hi chhupa lete
Aur main Shona…
intezaar mein hi ghulti jaa rahi hoon,
thak chuki hain aankhen....
Na jaane sapne kabhi honge pure
ya bikhar jayenge
meri tarah.........
Ek ishara kar do....
O mere mehboob
Main ho jaungi,
iss duniya se judaa hoke…
Sirf tumhari.
Navikew
@Sak_anya ❤️
