FarhIbrahim9
طب معلس فين البارت لاول وتاني
SamaaYasser4
FarhIbrahim9
هتنزل علي قناة علي يوتيوب وتتعمل انيمشن
FarhIbrahim9
ممكن نشارك روايتك علي يوتيوب الروايات هتنزل باسممك علي قناة قصص وحكايات سوما
_Shark_PR_55
user--ahemad-
كتبت عن الوجع وعن الحب كمان
وكتبت عن الاهتمام والهجران
وكتبت عن الفكر والنسيان
وكتبت عن الشوق والحرمان
انا بكره وانا اليوم وانا كمان زمان
وهفضل اكتب ومش ندمان
فكرنا حر بيطير لأي مكان
كتبنا عن السعاده والموت
رسمنا ضحكه في غز سكوت
رسمت فرحه بقلبي وخبيتها جوه تابوت
انا التلفان ابو قلب مكبوت
ولا أنا الشاعر ابو الدواوين
بقيت تايه معرفش انا مين
انا اللي بلدي عوزاني
ولا فى سجنها رمياني
ولا انا من كوكب تاني
بقيت نفسي مش عارف نفسي
ونسيت حتى حروف اسمي
سألت كل قريب وبعيد
وتاهت مني المواعيد
قلوبنا صبحت حجر
و مشاعرنا بارده اكيد
دخلنا من حاله لحاله
ايأس لا دي فكره مستحاله
اديني عايش في نص الدايره
حواليا كتير مراكب سايره
ومركب عمري غرق مني
مين غير ربي هيعيني
العمر قد ايه لا بقا فارق ولا يشغلني
مين قاتل ومين مقتول
ضحايا كتير ومش معقول
الدين جوانا مبقاش له مفعول
غدر وخيانه وناس تحلف بالامانه
ناس تطعن في الضهر وجبانه
فين امشي ولمين انا اروح
بقينا جسد وفقدنا الروح
ولمين تشكي وعلى مين تلوم
حتى الظالم اقسم بالله انه كمان مظلوم
عايشين خلاص كده في غابه
ناس خاينه ونصابه
وشاعر حزين بيعزف جرحه بربابه
تعبنا كتير وبكينا
ونصنع جرحنا بأيدينا
وقلوبنا في النار ليه رمينا
تعبنا وبعدنا عن طريق الحق
نشوف الغلطان تخاف تقوله كده لاء
بقينا أشباح لابسه وشوش
وتقف مكانك تقول حلق حوش
الدنيا بحالها فاشوش
user--ahemad-
كانت كقطار دهس احلامي
وسرق ايامي
وسود الحياه قدامي
كانت كدمار
وجع ليل نهار
أشبه بنار جوه جرحي
واصبر نفسي علي قدومي فرحي
ومافي جديد
كاني حافر علي جمر
واتمنيت ينتهي العمر
بسهوله كده عاوز الوجع يمر
كانت اسوأ الفترات
متدمر بين الزكريات
متقولش اللي فات مات
مفيش حاجه ماتت غير قلبي
وجاي تحكي وعاوز اضحك واخبي
تعبت واتمنيت روحي تكوني لربي
راجع تاني ليه
وراجع تقيد فيا حنين
وجرح بقاله سنين
طب لو كنت ناوي عالرجوع
لسه سبت قلبي موجوع
والعين ملاها دموع
متقوليش انسي اللي فات
ياريت تتعودي عالسكات
القصه مات فيها حاجات
وب ادينا كتبنا النهايه
والحكايه انك محبتيش
ولمشاعري محستيش
ارحلي وسبيني اعيش
كل شيء بينا انتهي
حلم وصور ووعود
دخلتيني في طريق مسدود
مش عارف منه اعود
طفيتي من طريقي النور
وسبتي قلبي حزين مكسور
راجع ليه تلف وتدور
مش كفايه
اعملي للوجع نهايه
وامشي بعيد
موجوع أنا ولا سعيد
ايه الجديد وعاوزه ايه
مش خلاص قلبي دوستي عليه
كنتي انتي الحياه
بس قابلتي حبي بجحود
ولو في بعدك هصرخ الف اه
لن ارجعلك ولن اعود
قلبي اتعود عالسكوت
لو انتي الحياه
أتمني اني اموت
user--ahemad-
أنا الشخص اللي معرفنيش
سنين ويااه ومفهمنيش
أنا اللي في لحظه بقدر أعيش
لكني في لحظه تانيه بموت
أنا الصوت اللي كان عالي
وفجأه ألاقيني كلي سكوت
أنا الشخص اللي عاش العمر
بيحلم بس جوه تبوت
أنا الشارع وأنا الميادين
وأنا الشاعر بدون دوايين
وأنا الدمعه اللي فوق الخد
وأنا الفرحه اللي قبلت سد
فكتبت كلمه بين سطرين
بحب حياتي رغم الصعب
بعيش راضي من الصابرين
أنا الشخص اللي ملهوش زي❌
مشاعر صادقه إنسان حي
ولما تشوفني تعرفني
هتلمح جوه عيني الضي ⭐
صحيح بيبان عليه سعيد
لكني حقيقي ميت حي ✋
أنا المحبوس ما بين جدران
وغربه خوف سنين حرمان
أنا الشاعر وأنا الفنان
أنا المصري أبو الجدعان
أنا اللي ماكلشي إلا حلال ✅
ولو هفضل سنين عمري
يقولي عليه واد تلفان ✊
أنا يعنيني في حياتي أعيش إنسان وأموت وإنسان !!
كفايه عليه أحلامي
وعودي وكل كتاباتي
كفايه عليه هبه العمر
وأمي وكل أخواتي
كفايه عليه فارس بحر
وياسمينا بشكل السحر
يارب أنا عبد من غير فخر
وبدعيلك في أوقاتي
يارب أسعدني فرحني
أنا وحبايبي وولادي
وأشوفك يوم ما نتقابل
تقولي يا عبدي أنا راضي
user--ahemad-
هات قلمك وكراسه رسمك
ارسم ورده تكون دبلانه
ارسم ضحكة تكون بهتانه
وفي نص الضحكة اكتب اسمك
اكتب نفسيتي تعبانه
متبنج جدا مش حاسس
ولاعارف اخرتي بامانه
ارسم قلب بيحضن قلب
ارسم ايد بتفارق ايد
ارسم بيت عايزين نوصله لكنه بعيد
ارسم اول حب تقابله
ارسم صورة في عز المطره
فيهااتنين بالصدفة اتقابله
ارسم جرح قديم متخيط
ارسم طفل جميل بيعيط
ارسم وش ملامحه عجوزة لكنه شباب
ارسم باب مقفول ع الآخر
ارسم قلب وشال أوجاع
ارسم شله وناس وصحاب مبقوش حلوين
ارسم دمعه ورافضه تجف بقالهاسنين
ارسم عمرمازال بيضيع علي شيء مجهول
ارسم حلم بقاله كتيرعلي قطروصول
ارسم وكسه وحسره كبيره
ارسم لمه ارسم عليه
ارسم فرحه جميله بتهرب خلف السور
ارسم بيت كان زحمه صبح مهجور
ارسم ضحكة خبيثة وزور
ارسم ضلمه في عزالنور
ارسم بلدي واراضي البور
ارسم حلم ارسم فكره
ارسم جيل مستني الجيش علشان الهجره عليهاتركيز
ارسم بكره بكل مشاكله
ارسم قلب وعقل في روحك ع طول بيشاكله
ارسم وشك واضحك وانت بترسم شكله
ارسم كل كلام اتقالك لكن خانك ارسم
نفسك وانت بتجري في قلب مكانك
ارسم واكتب أي كلام
والعن جامد في الأيام
طلع غلك في الكراسه
فرغ حزنك في الكشكول
اكتب في الاخربالاحمر
انابضحك لكن مكسور....
user--ahemad-
فُك أسرى و حِل إيدى
صفّى دمك من وريدى
امضى صَك العِتق .. و ارحل
و انت مطمن .. يا سيدى
مش ح اخش الأسر تانى
عقلى ح يلَجِّم جنانى
لو شاورته ف مره يرجع
ح افتكر كل الثوانى
ح افتكر جرح القيود
و الأمانى و الوعود
كل حلم و كل ضحكه
كانت مكافأتها جحود
حسن ظنى جبت آخرُه
و الحنين .. صممت أتاخرُه
و اللى فاضل م المشاعر
مابقاش فيهم حيل يعافروا
نقطه .. و السطر انتهى
ما عادتش جايبه همها
حدوته خلصت من زمن
زى ملايين قبلها …
user--ahemad-
حد يشتري قلب
قلب مخلص مش اناني
قلب يعشق برضو تاني
قلب في العذاب يعاني
عايش في الجراح وحداني
هو نسيني ولا رماني
صعب ارجع يا زماني
قلب متعذب في السكوت
قلب لو اتكلم يموت
قلب في دقاته الاخيره
حاسس بعذاب وحيره
قلب عايش في التابوت
قلب خلاص بيموت
قلب كاره الحياه
قلب متقطع وتاه
قلب تايه في العذاب
ياريته حرم ولا تاب
قلب تشوفه تقول شباب
بس من الوجع قلبي شاب قلب نشفت جواه الدموع
مشي في طريق صعب فيه الوجوع
قلب بيبكي دم بدل الدموع قلب من كتر العذاب
زاد عليه كوم تراب
كأنه بيدفع الحساب حساب حياه معشهاش
قلب ضاع وبلاش طب حد يشتري قلبي
واديه كوم فلوس
اصلي عايش في كابوس
كان جوه جدران وحيطه
قلبي جوه كان محبوس الناس فاكره اني فرحان وعايش جوه ظيطه
وقلبي مارد في الفانوس قلب مش عارف اوصفه من الظروف
شكله باهت لون مخطوف قلب كان عايم وكان شايف بر أمان وكان شايفه أجمل طريق واحلى سكه
بحر الغدر عليه اتكا
اهو مات ومن زمان صعب يرجع للامان
طب حد ياخد قلب ويديني حجر
قلب الناس عليا هجر
قلب خايف من كل شيء
كأنه بيموت بالبطئ
أو صخره عالطريق
جوه مني نار حريق
وبعذابي انا غريق قلب شاف كل شيء
في الحياه جماد
قلبي منباع في المزاد
قلب قاسي من العناد
قلب جرحه البعاد
حتى الجرح جوايا زاد