SamiraOsama2006

@ Asidrg  طب الاحداث لو بسيطة بس فيها اجراء قبض ع مجرم أو البطل أو أي شخص في الرواية طبعًا  لازم نراعي المنطقية فيها و عدم الاستخفاف بعقل القارئ طب ده يحصل ازاي ؟ يعني مثلًا البطل مش يتقبض عليه ياخد فجأة حكم ب ٢٥ سنة بدون محاكمة او تحقيق نيابة او حبس ع ذمة التحقيق ده طبعا شئ بيستفز القارئ و بيخليه يشمئز من الرواية و ياريت وتيرة الاحداث متبقاش سريعة برضو يعني نراعي الزمن و ياريت المعلومات متتقالش دايركت من الشخصية يعني مثلاً واحد ضد المرأة بلاش تخليه يقول انه ضد المرأة لا خلي ده يظهر من الاحداث و من السرد بتاعك بس برضو متقوليش في السرد بطريقة مباشرة .. الملاحظات ال قولتها في حاجات هتنفعك لاني لاحظت اخطاء لغوية كتيرة بصراحة و مستنية برضو إن الرواية تبقا أحسن لأني عارفة إن دي مجرد بداية و انك هتكثفي شغلك عليها و هترممي اجزاء كتيرة فيها 

@ Asidrg  طب نوع الرواية و اركانها و احداثها ؟ الرواية بتتكون عادةً من اركان اساسية مكان شخصيات احداث زمان و الدرس المستفاد .. طب الروايات المشهورة زي مثلا ارض زيكولا بالرغم من حب الجميع ليها و اشادتهم انها ناجحة إلا ان احداثها ضعيفة اوي يعني الكاتب مع كامل الاحترام ليه لم يبذل أي مجهود في الاحداث في الجزء الاول بل المجهود الجبار ال تم بذله كان في المكان فقط و ده شئ لا يُعاب اطلاقًا لأن المكان من فكرته و تنوعه غطا ع ركاكة و ضعف الاحداث، طب لو القصة بسيطة او كما يُطلق عليها كيليشه اوي ؟ زي مثلا رواية في حي الزمالك ال تعتبر من اقرب الروايات لقلبي لازم الدرس المستفاد يكون معلومات مفيدة سواء معلومات عن مرض نفسي زي في حي الزمالك و جنتل توكسيك مان او معلومات عن كيفية التعامل مع ظاهرة ما زي التنمر او التحرش زي رواية شيخ في محراب قلبي و تعافيت بك و حقيقةً النوع ده بيبقا الاقرب للقلب و بيبقا سهل انه يتحب بمجرد ما يتعرف لأن طبعا طبعا الابطال زينا ناس طبيعية و الاحداث بتحصل للكل بس بنستفيد و طبعا كل ده مع مراعاة إن المعلومات ال بيتم تناولها في الرواية تكون صحيحة جدا و تم مراجعتها و التدقيق فيها و في مصادرها .. 

@ Asidrg  اول شئ الرواية ع واتباد لاما بتتصنف كبير سلم او رواية حلوة الكل يحبها و تبقا لذيذة و ذكرى جميلة في قلب كل حد قرأها طب اي صفات الرواية ال بتتصنف كبير سلم .. اول حاجة رواية البطل ال مفيش زيه اغنى حد و اسرع حد و اذكى حد و البطلة الرقيقة الطفلة ال صوتها ارق من صوت بنت الحج عجرم ده اولًا، ثانيًا بقا إن الرواية يبقا سردها و حوارها ركيك يعني ضعيف مثلًا الروايات لاما سرد و حوار بلغة عربية فصحى صحيحة مع مراعاة النحو و المراجعة و التدقيق في النص قبل ما تنزليه للقراء لتجنب الاخطاء اللغوية ال هتخلي الرواية مش محببة للبعض أو يبقا الحوار عامي و السرد بلغة عربية فصحى طب يعني اي الحوار عامي ؟ يعني الحوار باللغة الدارجة لأهل البلد ال بتحصل فيها الاحداث يعني لو في مصر هتبقا اللهجة بالمصري و العامية المصرية لو لبنان لهجة لبناني و هكذا طب هل ليها شروط ؟ اكيد ليها شروط اولهم الكلام يُكتب بالنطق الصحيح له يعني لاحظت إنك مش معترفة بأداة النداء "يا" رغم إنها لازالت تُستخدم بنفس النطق لكن انتِ استبدلتيها ب حرف الياء فقط و ساعات كمان بتكتبيه مع الاسم زي "يمريم" مثلًا و ده غلط اساسًا يعني نحاول نكتب الكلام صح حتى لو باللغة العامية و نراعي الهمزات سواء قطع او وصل نراعي طبعًا الكلام مش يكون في اي لفظ خارج او سب طبعًا .. طب الاستفادة من ال قولته ده هتفيدك في اي ؟ إنك تستنتجي إنك تصححي اخطائك اللغوية و النحوية و تراجعي بعد كدا النص مرة و اتنين و تلاتة قبل ما تنزلي الفصل و طبعًا متنسيش إنك تراجعي المنطقية في السرد و في الاحداث ..