Nadoooooody
انفتح الباب بقوه وصوت حاد كصوت البرق ف ليله غائمة شق ظلام الغرفه : "ايه اللي بيحصل هنا بالظبط ؟!
ابتعد هذا الكريه عنها برعب ؛ وتسمرت ونس بارضها وهي تنحب وتحاول ستر جسدها بيدها !!
دلف جبران بطول قامته الفارع وملأ الغرفه بصوته الحاد هادرا : "اعتقد مش ده المكان اللي يحصل فيها المسخره والسفاله دي !!
انكمش هذا الوقح ع نفسه برعب وتراجع للخلف ...
تلعثمت ونس برعب من هيبته الطاغيه : يااا فـ فندم أنا !
نظر لها باحتقار مغلف بالعنف وصاح : مش عايز اسمع نفسك ! كل حاجه واضحه مش محتاج تبرير من اشكالك ؛
هزت راسها بالنفي وهتف ودموعها تحفر ع وجنتيها وتتساقط ع الأرض من كثرتها : يا فندم والله أنا عايزه اقلك ...
قطع محاولاتها بصوت حاد يقطع الهواء أمامه : أنا اللي عايز اقلك أن ف اماكن تاني تلم اللي شبهك وهناك هتكسبي اكتر من هنا !
شعرت بانعقاد لسانه داخل فمها وهزت راسها بعنف نظر لها بنفور وهتف الي مساعده : ايمن " مش عايز اشوف الاشكال دي تاني هنا ؛ تصفي حسابها احنا هنا مكان محترم وله سمعته ، ومش هسمح الزباله تكون جزء منه !
أشار إلي هذا الوقح وصاح : وانت يا حيوان انت بترمرم وكمان جبان هتمشي قبلها !!
همس هذا الوقح وهو يحاول الاقتراب والسيطرة ع ارتجاف جسده : يا باشا غلطه ومش هتتكرر هي اللي اغرتني والله يا باشا !!
شهقت ونس بعنف واندفعت بدون وعي وقبضه ع ملابس هذا الوقح وصاحت بقهر : كداب كدااااااب والله العظيم ! أنا اغريتك يا ابن الكلب يا حيوان ؟!
تفاجأ هذا الوقح من هجوم ونس عليه ؛ ووقف جبران يراقب ما يحدث بعينين باردتين كالجليد ؛ ثم أشار إلى مساعده الذي فهم إشارته ؛ واقترب يفصل بينهم وهتف : بس كفايه انتوا فاكرين نفسكم فين هنا بس بقا !!
تجمع الجميع ع صياح ونس وصوت هذا الوقح وبدأ الهمز واللمز بينهم بدهشه مما يحدث ...
توقف الجميع برعب عندما هدر صوته الرعدي : عال اووي سايبن شغلكم ووقفين تتفرجوا علي الحاوي ولا ايه ايمن شهر خصم للكل ...
ثم اشار إلي ونس وهذا الوقح وهتف : والاتنين دول يصفوا حسابهم !
https://www.wattpad.com/story/386905283?utm_source=android&utm_medium=com.whatsapp&utm_content=share_reading&wp_page=library&wp_uname=nade8442
