بروغي ♡

مثل هرش الشجر واشربلك الماي 
          وكل هذا الخضار البيك مني 
          وانت بنص الملح ومشابگ الطين 
          و بلابُلنا على اغصانك تغني 
          وتمر الريح بيك واحضن الكاع 
          وتريد تروح ويَ الريح عني ؟

الناس بِيه تصِيح نام
          ألتفَت ما الگه ناس
          انه كاتلنِي النعَاس ارد انام
          شَلون انام المخَده
          ترِيد راس
          وانه امشِي بلِايه راس !

شأفرزن ؟ والعقل مَتروس الغام 
          يَم الواقع المُر راحت أحلام
          وأنا أول غَريب بنُص هَله ينام 
          منو اليگدر يجاوبني 
          انا عندي أهل لو من الايتام ؟

لمَن أتعَب ما أسولِف 
          وأبَد ما گُلك البيه! 
          وأخاف أحچيلَك وتتعَب 
          وأزرع طاقَه سَلبيه 
          أنتَ بخير؟ اني بخير 
          وأذا تَعبان أتعبلَك 
          شايُف هيَجي حِنيه؟

مَحبُوبي اليوَم بَدرابين المَدينة
          يمشي ويدَور علية اشگد حِنين
          اليوَم داس عالتُراب الجَنت
          ادوسة
          اليوَم اكُض طِين الفَرع كُلة
          "وأبوسة "

هذا الوجَع مو عادي 
          هذا الوجَع يخنگني
          حاوَلت أشرد مِن البيت 
          بَس البيت يلحَگني
          اطلع مِن القَفص فرحان 
          وترِد الناس تلزَمني
          وهذا الهوى الأشتمة
          مِثل تِيزاب يحرگني!

نسيت أحَنة گبل
          مِن چنة ريش جَناح
          بسدك چنت أنام
          ونومّك بسدي
          گتلك عوف ناسك
          أنه أغار عليك
          وبديت تعوف 
          بس مِنين ؟
          " مِن عندي "

مشِتاگلك والليّل وحَشة
          ودمعِتي التَنزل ثگيّلة
          وصّوتة مِن أطيّح عَالي 
          وحتِى محد يّدري بيّها
          أركُض اتلگاهَا بيدي لمَن
          تُمُر علىٰ بالي ، إنتَ ويّن ؟
          أنا نُص مِوعد بّدونك 
          مِدري ياهَو يسد مُكانك ؟
          وحَشة فراگك جبيّرة
          بگد عشَرتك نار تحّرگ
          بّروحي أمنيّات ويعِلى
          دُخان الضِنون

خاف باچر توصل أهلي وتسأل وتلگاني مَيت 
          لا تظل تبچي وراي
          چِنت عايش ما شفتني
          ليش نادم هسه جاي؟ 
          واترس الگاع بصوري 
          وبالشوارع رشه عطري
          وعيش مكسور واناني 
          ولا تجي لگَبري حبيبي فشله
          واني اسف من اموت 
          يجوز اتعبك 
          عيش بعدي ولا تظل 
          خايف حبيبي
          حتى لو ميت أحبك 
          كلنا نمشي ومحد يظل بمكانه
          وهي بعد الدنيا هاي 
          بس اريدن شغله منك
          من أموتن روح لأمي وكلها 
          ميّت من وراي .

يَلهيني النهارَ والتهي 
          ويَ الناس ..
          ولچمني الغروَب وتنزف ظِنوني.
          اشد رَمش برَمش ..
          ماترضىٰ عيني تنام ..
          اراويها الصوَر وتصيحَ ردوَني .