"تذكر من تعتنيلي بلهفتك؟ مشتاك حتئ تشوفني......

وتلكاني روحي مشككة ولمسات اديك تروفني...

تتركني هسة قررت؟؟ تتركني هيج بلا ذنب! 
بررلي حتئ لوكذب...
ينطيك كلبك ننتهي وبس بالاحلام تشوفني 
مليت كلي! كمت امل...
شيحملة ليلي بوحدتي ماينحمل بعدك ترئ وكذبت كتلك ينحمل 

كتلك لمن تمشي ترئ تتركني وحدي جن طفل 
تايه...... وكل اهله مشو 
عايش يتاني الما أجو
كل شي اليمر يفززه! 
حتئ الشماته تفززه 

من يمشي ويهب الهوى يلتفت حسباله حجو 
لكن لمن... يتذكرك حتئ الشماته الما بجو 
من شافوا دموعه بجو 
هيج اني من عني رحت 
ماتسكت جروحي ولو دورتك انه بشدتي 
شفتك وطن حنيت الك............. 
لكن لكيتك غربتي 
احتاريت منهن ياهووو اصح. مابين ذلتي وعزتي 
احتاريت اعوفك حتئ لا
تكسر قرارك دمعتي 
وونيت سكتة ماردت... يشمتون بونتي 
صح اضحك بنبره فرح..بس ركز بصوتي بعد تسمع نحيب بضحكتي 
هم مثلي كلبك مانسة؟ وهم بعد من تمشي درب تذكرني خطواتك بعد؟ تترك فراغ لخطوتي 
لاتسكت.. اللا بينت بين اثرها بعبرتي 
ولاتلتفت لي بس ردت انطيك اخر مابقئ 
وهو شبقئ؟ 
مني خذت كلشي وبقت... دمعات ليك بذمتي..!