fatma10544
شري أنا معنديش صفحه على الفيس وكنت حابه اشارك في المسابقه بالله عليكي وصلي رسالتي لهايدي هقسمهالك اتنين لأنها اكتر ومن ٢٨٠٠ كلمه
fatma10544
يارب توصل لهايدي وتقرأها قبل ما تختاري الفائز يارب عشان نفسي اكسب بجد
6️⃣ أكثر لحظة خلتك تبكي ولحظه خلتك تغضبي ولحظه خلتك تبتسمي ؟ بكيت عند موت يوسف لاني حسيت بوجع فراق حد عزيز عليا جدا المشهد كان صعب الصراحه غضبت في اللحظة لما باسم عاقب فيها قمر لما كانت بترقص في الفرح عاقبها بطريقه وحشه جدا الصراحه اسلوب حيوانات فعلا طبعا أنتِ عارفه قصدي على انهي مشهد كان ممكن يزعلقلها أو يفهمها غلطها بهدوء لو فعلا بسحبها ويعرفها أنه هيكون متضايق لو عملت كده وهي ماكنتش هتكررها اما ابتسم بقا فكان المشهد الي حسين كان بيضرب فيه ريا وسكينه اخواته الحرابيق لما ضربوا دموع موت على نفسي من الضحك يستاهلوا وكمان قدام اجوازاتهم
7️⃣ وصف لرأيك من اعماق قلبك في الرواية..؟ كده كده كل روايات هايدي ليها تأثير جوايه بس دي كانت طويله شويه وقعدت معايا حوالي اسبوع عشت فيه جوه احداث الروايه عشت معاهم وحطيت نفسي مكان كل واحد فيهم حبيتها جدا من اكتر الروايات اللي بعيد وازيد فيها بجد حطيت نفسي حتى مكان حسين عشان كده صعب عليا شويه بس هو بصراحه مكنش يستحق دموع هي كانت محتاجه حد يعوضها بس يعني بصراحه صعب عليا الموتة بتاعته كانت صعبه بس بجد يا هايدي أنتِ كوين محدش بيعرف يفكر في اللي بتفكري فيه
. Fatma
fatma10544
الاسئله عن الروايه دي⬆️
1️⃣أي أكتر مشهد هزّ كيانك في الرواية؟ وليه؟ اولا كان المشهد اللي حسين شاف فيه دموع خارجه من عند سيف لما فارس كان باعتها حسيت اني بترعش وهيغمى عليا من الإحساس بالظلم وفضل يضربها يا حبيبتي وكمان موت ابنه كان نفسي اروح أقولهم دي مظلومه والله
2️⃣مين يستحق لقب بطل الرواية الحقيقي في رأيك؟ دموع لأنها اتحملت كتير من ظلم مرات ابوها وحسين وأمه وكمان أنها كانت بتتعذب في البدايه بحب سيف لأنها شايفاه مينفعش شافت كتير بصراحه
3️⃣لو كان بإمكانك تغيير حدث واحد في الرواية هيكون أي؟ هيكون اغتصاب حسين لملك يعني صغيره على البهدله وكمان هي كانت حبته فلو كان معملش كده واستنى شويه كان ممكن يتجوزوا كنت هفرحلهم والله خاصة أنه حسين الحلوف كان صعبان عليا شويه
4️⃣هل في شخصية ظلتمها الكاتبه أم أن نهايتها كانت غير عادلة؟ بصراحه انا كان عندي رأي وهو أن حسين كان بيحب دموع بس هو كان عنده أمه بتوسوسله فكان ممكن دموع تقدر اللي هو عمله عشناها وأنه خلاها تكمل تعليم وتفكر ايامهم الحلوه وكانت مثلا تسيب الشغل تروح البيت تعمل غدا حلو وقاعده رومانسيه و تستناه وتقوله أنها عملت كل ده عشانه واصلا الرجاله بينضحك على عقلها بكلمتين ومثلا تقوله أنها بتحبه وان اي حاجه أمه بتقولها ممكن يتشاوروا فيها ويقضوا ايام حلوه ويرجعوا سعداء زي الاول وانا واثقه أنه بعد شهر بالكتير كان هيطلب منها ترجع الشغل اللي هيا بتحبه اولا عشان ميزعلهاش ثانيا عشان هو مش هيقدر يصرف كل المصاريف لوحده بس طبعا عارفه أن رايي مينفعش لأن كده الروايه هتبوظ خالص ومكانتش هتكون موجوده
5️⃣ أكثر سر أو لغز صدمك عند اكتشافه؟ لما اكتشفوا أن دموع كانت حامل من حسين وسقطت سبحان الله عايشه معاه قد ايه ومخلفتش و يوم ما تحمل منه هو اللي يموت ابنه وكنت خائفه لمتعرفش تخلف من سيف
