انه اعرف شغيرك ولغيروك
رادو ب بيناتنا يموت الهوى
عمو عينك من اجو ما كحلوك
العين متظل عين لو راح الضوه
جنت كحله بناظرك وانت بجيت
و طيحتني وانت خذينك رمل
وجنت نار الدفتك من طفيت
تشيل برمادي كمت عمده وتهل
وانه كل هذا فلا كلت وحجيت
ولا جزع كلي ولا منك امل
عود دلوك الدرب بس ضيعوك
واخذو التمرات وانطوك النوه
وانت عطشان وابد ما شربوك
ياسراب الي عطش منه ارتوه؟
انه ردت انساك بس شوكك جيبر
ردت اكلك روح والفضها تعال
وانه جنحك لوحت بيمن تطير
ليش جناحك لحط بعقلك شكال
هاي تروح وتنتهي وباجر تحير
اسمعني مره واصفن لهذا المثال
انت يم عيونهم ما وجدوك
فلها كورة مغزلك شوف شطوه
بس يراوك الجرف ما عبروك
همه صح شراع بس انه الهوى .