Nahd_112
بعد ما أجيب جرحي تروّف الية ردود
أنا استجمعت حيلي وبالصبر رفته
أمر وتشوفني شلون الوكت وياي
ما مهموم وأضحك والحزن عفته
ما خليتك خيط أمل تترجاه
كفض حتى الخيال من الجفن شلته
وضعف روحي بدّي جريته أمثل بي
كدام اليضدك للصلب كدته
من تشوفني تعرفني؟ لا والله
مو ذاك الغشيم ال من قبل شفته
كبالك غير واحد بي شبه من ذاك
ما يشبه هذاك البي جرح عفته
مره التجربة المريت بيه وياك
مره وعلّمتني وحنظلت ضكته
عفتك دون ما تسمع لي وقع أقدام
ما تحجي الشموع وينطفن سكتة
عرض قدامي ظلي وعطلت ممشاي
حاجيته ونصحته ومن رفض دسته
وضل حلمك بعيني ع الجفن مطروح
جذّاب اليگلك من رحت جسته
ولأن ماردت منك شي يضل تذكار
ماردته بحياتي وع الخلق سمته
منو اليأخذ حلم؟ من ينطي زايد بي؟
حلم كلش جديد وما استعملته
أبيعه لغير واحد مثل ما سويت
وياي وحنينك للغرب بعته
مثل سجينتك راح انسحب بهداي
حتى أترك حياتك وأطلع بسكتة
بلا ما تشعر ويكسر قراري الشوگ
وأرجعلك وأگوّل تسرّعت خذته
رِدت ينباگ جرحي ورصّعت بي ماس
رِدت أغوي الحرامي ومن رفض لَمته
أنا الطير النزل للطعم من حطّيت
روحك للضحية ومن نزل صدته
ترك لأجلك سماء وراويته المجازات
من قصّيت جنحه وللقفز جبته
عفتني ويا الجكارة ثنينّه ممورثين
ما حطّ الطّفا الآخر وانطفيت أنت
قبل كم مرة أجيلك مشتري وما بيع
وأسمع صوت روحي تكلي عادرته
وأنكثلك أسراري بحضن لحظة شوگ
بس تالي ألگه سري الناس سامعته
جُنت مثل الهوى.. موتي بصفتي يصير
يحييني اليگلك شادهك شفته
وأحلف كارهك واكتشفت يطلع شوگ
من ضمن السوالف بالحجي الكُلته
رِدت جم مرة أطلعك قلبي ما بي باب
دورته على كيفي وكل كِتر درته
واتعلمت كلشي في سبيل أنساك
بس فراگ وجهك ما تعلّمته
هسه بسد خريفك حطّبت ذكراك
خاف يرد خضارك وأنتشي بجَيته
بعد ما أريِدك تظل خيط أچلب بي
وأبقى متاني كفك يفزع يعتّه
تعوف الدفن حبّك مثل سر بالراس
ترگض ع اليحطك راس سالفته
يالمهدور حبك مني كون تشيل
لا تفتر بروحي وثاري ما خذته
أنا من أوميتلك مو من الم طعنات
لا.. بس رِدت أكلّك قلبي ما لحته
ما ينخدع قلبي بدمعتين رخاص
تتلطخ بدمه وتقرأ فاتحته
عالي الجِف إذا وقت الزعل ينبأس
عكس الجِف هذاك الصلح بَسته
تونه حبيبتي ابنيتي هاي شفتج اتأثرتي بيه
Sigma_Soul
@ Nahd_112 عمري ست ناهد شكرا كولش هواية
