مو بس احبك انا تتنفسك دنياي 
واتخيل اني وصلت مرحلة في الروح
خجـلان من طيفك الي متعبه وياي
من زود منته تجي على بالي وتروح
الله لو تدري قلبي وش كثر مملاي
شوق لعيناك وشوق لوجهك المملوح
وش قد ارتب كلامي لك قبل ملقاي

وش قد يضيع الكلام بشوفتك والبوح
غلاك عوقي هو نفسه لعوقي دواي
كن بعد اليم ووصلك سفينه نوح
ماتبتـهج نفسي الا وانتَ في يمناي
وما يلوي ذراعي الا ضيـَقتك والنوح
وجودك عمري شي مثل الهوى والماي
وغيابك ابسط تعاريفه شقا وجروح
رديت روحي برجوعك يابعدي ومناي

ويا الضحكه اللي اصير الها فدا واروح
لك ياهنوف الخصال محبه في دماي
تملا بلاد الضباب اللي بشذاك اتفوح
كنت الحبيب وغديت اليوم كل دنياي
من توأم الروح الين امسيت انتَ الروح