Pyrsk! Mianuja sie Wojtek i interesuja sie Gōrnym Ślōnskym, Polskōm, politykōm i szportym. Poza tym tradycjami i przemysłym typowo ślōnskym, we kerym chca robić.

Niy ino szkryflōm roztomajte wiersze i łopowiostki, ale przede szyskym żyja Ślōnskym i szkołōm. Do niydowna brołch udział w życiu Hufca ZHP Piekary Ślōnske im. Hatki, Hadasia i Tomy, ale skuli tego, iże jes zech we technikum, niy mōm juz niystety tyle czasu. Poza tym, musza dojechać, bo łod 2016 r. miyszkōm we Śmianowicach Śląskich. Co do ZHP, to do kōńca jes zech wierny swojymu Hufcowi. 

Normalnie dziynnie (nawet na lekcjach sie zdarzi) używōm jyzyka ślōnskigo / godki ślōnski / dialektu ślōnskigo jynzyka polskigo i w taki formie właśnie sōm moje grafomańske "dzieła". Możliwe jes to, że niy jest to gynał po ślōnsku naszkryflan, ale tak godōmy u mie w dōma abo inkszym bliskym łotoczyniu.

Szyske "dzieła" sōm to moje przemyślynia na tymat miyndzy innymi "restrukturyzacji" przemysłu po zmianie ustroju, życio szkolnego i zwykłych cufali w mojym życiu, bardzo czynsto podkoloryzówanych. Możno niy do kōńca trefiona ideja, ale to juz Wy łocynicie. Zapis jes we formie tekstu godane go zum Beispiel na kōnkursie godki.

Zapis wyglōndo tak: tytuł (klasa, we ftōry wtedy byłch; rok). 

Tekst niy mo na celu żodnego zgorszyć, ani propagówać cegokolwiek, poza ślōnskōm godkōm. Sōm to ino moje subiektywne przemyślynia abo fantazje na dany tymat. Tako twórczość zmyślōno. Niy szyscy i szysko jes na richtich, bo mogōm to być moje urojynia 🙂😉

Pozdrowiōm piyknie i przijymnego cytanio. 
Z górniczym "Szczyńść Boże!"
Wojciech Janik ("Synek_Ze_Andy", "Ktoś nikt", "Jamnik")