TOQA_234
*للبنات+ الاولاد...
1-الأهالي هواي تعبوا وياكم إن كانت تربية أو صرف أو هواي اشياء فـَ احنا لازم نرد من هذا الجميل ولو مقدار مُبسط هسه اجتِ المدرسة و إن شاء الله تعب الاهلي مَحيروح بـ الخالي ببلاش
صرفوا على الملابس الكتب الدفاتر هوايييي مصاريف مصاريف اليومية طلعاتكم و من تروحون تتونسون منين كُل هذا من اهلكم انتم نايمين و الآباء والأمهات يشتغلون اكو معضم الناس ما عدهم وضيفه فـَ يشتغلون عمال و بالحر و البرد و كُل هذا حتى ميخلوكم تحتازون شيء ميخلوكم تمدون ايدكم
2-جذبني قصة قريتها قبل فترة ابن يصيح على أمه لان تكُله انتبه على دراسته و كام يريد يضربها زين وين راحت تعبها وياك وين راح السهر و الجد و كل هذا و هيج ديسوي
3-فوك كُل هذا يكفر يعني اذا ما يضرب يكفر زين انتَ بيمن متكبر على رَب العالمين هوَ الي خلقك ففعلك فسواك يعني انتَ لو ما رَب العالمين انتَ موجود انتَ هسه بهذا مُستواك بهاي مكانتك؟ لا بدال ما تحمد رَب العالمين و تشُكره تكفر زين ليش ؟
4-البنات من يحجون وي ولد شنو هل تصرفات؟ و من اسئلهم يكولون اصدقاء ما اكو صداقه بين الانثى و الذكر لا بالإسلام و لا بالقانون زين اصدقاء تدزين صورج؟ تنطين معلوماتج ؟ زين كاعدين احنا احنا بلد بي الـ البيت عليهم السلام المفروض نقتدي بيهم مو نروح نسوي عكس الي يسوونه.
5-زين انتم الولد الي تحجون وي البنات و تضحكون عليهم ما تقولون باچر عكبه يجي ولد هم يحجي وي اختي كما تدين تدان و قال الامام علي عليه السلام (من طرق أبواب الناس طرق الناس أبوابه) يعني انتَ شنو تسوي راح يرجع الك شنو تزرع تحصد
اتمنى تغيرون من هاي التصرفات
انا بهذا الكلام الي دا احجي بصورة عامة عن بعض الأشخاص و اتمنى يغيرون اسلوبهم.
و السلام عليكم ورحمه الله وبركاته ....✨