طِيّبْةَ

وينچ؟ 

لو تدري انتَ شگد مهم
            بعدك بقينا بلا اسم
            ورسمونا مو نفس الرسم
            عندك علم؟ 
            ناسينا لو عندك علم؟ 

حبيبة گلبي وروحي، كل عام وأنتِ أجمل وأغلى نعمة بحياتي عيد الحب مو بس للناس اللي تحب، هو للناس اللي تنطي للحب معنى، وأنتِ أكبر مثال على هالشي. من أول ما عرفتج وأنا شايفة بيج أخت قبل لا تكونين صديقة، شخص يفهمني من نظرة، يحس بيَ بدون ما أحچي، ويوقف وياي بكل تفاصيلي، الحلوة والمرة
            إنتِ مو بس صديقتي، إنتِ نُصي الثاني اللي أدري مهما صار ما راح يخذلني سوالفنا اللي ما تخلص، ضحكتنا اللي تملأ الدنيا، ووگفتج وياي بكل لحظة، هاذي الأشياء اللي تخلي الحياة أحلى وأخف، حتى لو كانت صعبة
            بهاليوم، ما عندي ورد أهديج، بس عندي كل الحب اللي بالدنيا إلج. ان شاءلله تبقين وياي بكل سنيني، وما يفرقنا شي أبد لأن وجودج هو أكبَر عيد، وأكبر حُب، وأحلى شعور مر بحياتي. أحبج حب الدنيا كلها ما توصفه، ودوم تبقين بقلبي للأبد❤. 

مهما يكون حتى لو انتِ مو موجوده بس راح اكتبلج هالكلام لأن لساتني احبج ولساتني عندي امل ترجعين..