ذٓوُ

@axfuhh  انتي هم كربلاء 

وأعتنيلك ..
            وأعتنيلك و أنــي ماعندي مجال .. 
            ما تجيني أنــتَ ولا حتى بحلم .. 
            عندي ألك شوگ .. ومحبة .. وذكريات ..
            كُلشي عندي و أنــتَ ما عندك علم .. 

لا تحط بيدي الشمس واحلامي بيد
            ولا تهيج عالفقير جروحه
            ولا تكلي بعسرك ويسرك اعيش
            وانت قصرك لسمه يمد روحه
            عوفني بحالي تراني بليه ايد
            وانت شباجك زحل مالوحه
            شلون ما تدري لحلم الفقير
            ماتشوف احلامه كد اجروحه
            روحي مذبوحه ذبح وتريد اطير
            منين حظي يطير المذبوحه
            لا تأملني بحجي الماجاسه ضيم
            جفي دك بوب السمه المفتوحة
            وحظي دك اثبات بجناح الفقير
            لا يصعده ولا ينزل اصطوحه
            انت بعدك مانمت فوك الحصير
            وغمست لكمة ملح بملوحه
            لا تلامسني بطرف صدرك اذوب
            انا من دم ولحم مو لوحه
            و لا تمرجحني برمش عينك أخاف
            انه ما شايف رمش مرجوحة
            و لا تكلي اتمرجح شمالك تخاف
            جنت اريدك للسمه توديني
            بس اخافن ينكطع رمشك و اطيح
            و باجر تكلي طحت من عيني
            روح دورلك محب يرهم عليك
            انه قاموس العشق طاويني
            ما عشكَتك واحنا بالطيش استحيت
            اشلون احبك واني بتلاثيني
            خلني راضي بفقري وانت ارضى بغناك
            وعوف عيسى بدينه وانه بديني
            ولوخلاني الوقت بعت اللحاف
            يعني هسة بكيفي أمد رجليني
            لكن ادري بدربي عن دربك بعيد
            ومن زغر هذا الفرق بجاني
            انت دفاك الثلج عن لا تموت
            وانه ميت والثلج دفاني
            وانت كاروك الذهب ما كفى اديك
            وانه كاروك القصب كفاني
            وحتى لا احلم وامد جفي لسماك
            وانه ارضع كمطوا ذرعاني
            وعن محبتك والله ما شدني الحديد
            هذا رمشك يا ترف شداني
            والله احبك من زغر بس ما حجيت
            جنت اريدك تنسعد وي ثاني
            ومن اجيت بلهفتك تسأل علي
            قلبي كله تمرجح بشرياني
            تالي من غصبن علي كتلك نسيت
            روح دورلك محب وانساني
            توسلت بلساني يحجيهة و تروح
            و من رحت عني قطعت لساني
            انه كتلك لاتجي وجي ما اجيت
            راحت ببابك تدك بيباني

انه عندي اليحب يخلق
            ما عندي اليحب يغيب
            إذا صدفة وأحسك جاي
            أرسم على الشمس بالكَاع
            شجرة جبيرة
            بيها ڤياي
            المكَان البي تشاوفنا
            وضحكَنا هواي
            أمس مريتله لوحدي
            و ردت للبيت
            أجيبه وياي ..

﴿ وَاذْكُر رَّبَّكَ إِذَا نَسِيتَ ﴾

اسـتغفࢪ اللهہ‏‏ 

أسَتغفر اللّٰه .