Sa mundo ng tao, maraming sibilisasyon, maraming alituntunin, at maraming batas na kailangang sundin.

Maraming nasa sa itaas, ngunit hindi mabilang ang mga naghihirap at tinatratong basura. Maraming nilalapastangan. Maraming napagkakaitan ng KALAYAAN.

Maraming nasa langit, pero dito sa lupa ng mga tao, maraming nagdudusang akala mo'y nasa impyerno. Maraming nasusunog, humihiyaw, umiiyak, sa sobrang sakit.

Maraming nakakadena na parang aso. Maraming hinahayop ng kapwa hayop.

Maraming mali sa mundo, napakarami.


Kaya halina mga manunulat. Halina mga nangangarap. Halina at palawakin ang imahinasyon, at gawin itong totoo.

Kaya nating diktahan ang kamalasang napala ng nasayang na mundo at baguhin ang lahat ng ito.

Makakaya na'tin ang lahat, makakaya nating supilin ang apoy, at paulanin ang kasiyahan sa buong madla.

Kaya nating muling buhayin ang mga pinatay na mga pangarap.




Dito nagtatapos ang talumpati ng isang hamak na indibdwal.


Bow.


-Ginoong Snow White