Tulip_kk

အဆင်မပြေခြင်းတွေ များလာတော့ ဘယ်အရပ်ကပွင့်မယ့် ပန်းကိုမှ ငေးမနေချင်တော့တာ 
          မေတ္တာငတ်နေတဲ့ အမျိုးသမီးလေ
          ချစ်မေတ္တာတွေ တကယ်ရှိပါတယ်လို့ ကျွန်မက ပြောရအုံးမှာလား
          မွန်းကြပ်လာတဲ့အခါတိုင်း ကျွန်မကလေ
          တိမ်တွေကို ကြည့်လိုက်တာဘဲ 
          စိတ်အလိုမကျတိုင်း စိတ်တွေကို တိမ်တွေထဲ
          ထိုးထည့်ပေးလိုက်တယ် 
          သူလည်း လွင့်ချင်ရာလွင့် ရွေ့ချင်ရာရွေ့ပေါ့
          မကြိုဆိုချင်တဲ့ ရပ်ဝန်းတွေများလို့ ဒီနောက်တော့ ဘယ်ရပ်ဝန်းကိုမှ မတပ်မက်တော့ဘူး
          အတတ်နိုင်ဆုံး မျှော်လင့်ချက်နည်းအောင်နေမယ်
          မြတ်နိုးမိပါတယ်ဆိုရင် ရင်ဘတ်တွေနာရလို့လေ 
          တော်ပါပြီးပေါ့ 
          ကျွန်မက သဘောကျပါတယ်ဆိုတဲ့ လူတွေနဲ့ 
          ဒီတသက် ကင်းအောင်နေတော့မှာ ။
           #ChueChue (Daffodils) #Rêveuse

ဟိုတစ်နေ့က
          EX ရဲ့ အပုတ်အပွ သတင်းတွေ ကြားခဲ့ရတယ်။
          လာပြောတဲ့သူကို မယုံလို့ အခြားတစ်ယောက်ကို သွားမေးကြည့်ရသေးတယ်။
           (အဲ့လောက်ထိ သူ့ရဲ့ကိုယ်ကျင့်တရားကို ကိုယ်က ယုံကြည်နေခဲ့တာ)
          မေးကြည့်ရသလောက်ကတော့ သတင်းတွေက မှန်နေတယ်။
          ကိုယ့်မှာ "ဟင် အဲ့လိုကြီးလားဆိုပြီး အံ့ဩရတဲ့အဖြစ်"။
          
          ဖြစ်ပုံက....ဒီလို
          EXလက်ထပ်မသွားခင် အချိန်တုန်းကပေါ့...
          ကောင်မလေးတစ်ယောက်နဲ့ အီနေတယ် ကြားလို့ ကိုယ်က ပြသနာရှာတော့ သူကလည်း မဟုတ်ဘူး ငြင်းတာပေါ့။
          ဟိုကောင်မလေးကလည်း ကိုယ့်စီ ဖုန်းဆက်ပြီး မဟုတ်ကြောင်း ၊ သူတို့က မောင်နှမလိုခင်တာ ဖြစ်ကြောင်း၊ အစ်မတစ်ယောက်လုံး ရှိနေတာသိရက်နဲ့ အဲ့လိုမလုပ်ကြောင်း စုံနေအောင် ပြောတာပါပဲ။
          အဲ့တော့ ကိုယ်ကလည်း ယုံမိပြန်တာပေါ့။
          
          ကြားခဲ့ရတဲ့ သတင်းက အဲ့လို ကိုယ့်စီဖုန်းဆက်ပြီး နောက်ရက် အဖြေပေးလိုက်ပြီး လူတွေ ‌ရှေ့မှာ နမ်းနေကြတယ်တဲ့။
          
          တကယ့်ဟာတွေ။ လူရော ဟုတ်ကြရဲ့လား မသိဘူး။
          
          သူနဲ့ညားသွားတာလဲ မဟုတ်ပါဘူး။
          သူ့အိမ်က သဘောတူတဲ့သူနဲ့ လက်ထပ်သွားတာ။
          
          ပြောချင်တာက ...အဲ့ဒီအကြောင်းကြားပြီးတော့ ကိုယ့်ကိုယ်ကို ကံကောင်းတယ်လို့ ခံစားရတယ်။
          ဘာလို့လဲဆိုတော့ ခြံခုန်မယ့်သူက ခုန်မှာပဲ။
          ဗီဇဆိုတာ သေမှပျောက်ကြတာလေ။
          အဲ့တော့ ဒီလိုလူနဲ့သာ လက်ထပ်ရရင် စိတ်ချမ်းသာမှု ရနိုင်ပါ့မလား တွေးမိသွားတယ်။
          တစ်ချိန်လုံး သူ့ကို သတိရနေတဲ့ စိတ်တွေက ဒီသတင်းနဲ့တင် ရေစုန်မျောသွားရော။
          
          ပြောချင်တာက တစ်စုံတစ်ယောက်ကို လက်လွှတ်လိုက်ရလို့ ဝမ်းနည်းနေပြီး ကိုယ့်ကိုယ်ကို ကံဆိုးတယ် ထင်မ‌နေကြပါနဲ့။
          
          လက်လွှတ်လိုက်ရတာဟာ ကိုယ့်အတွက် ကံကောင်းခြင်းတစ်မျိုးလည်း ဖြစ်နိုင်ပါတယ်။ ။
           #yns

ဒီ‌နေ့...ပထမဆုံးအကြိမ်
           အခမ်းအနားမှူး အဖြစ် လုပ်ခဲ့တယ်။
          တကယ့်အမှတ်တရတွေချည်းပါပဲ။
          
          အိုးနင်းခွက်နင်းနဲ့...။
          အခုထိ တွေးမိတိုင်း ရီချင်နေတုန်း >~<

ခန္ဓာကိုယ်က မိဘနှစ်ပါးအတွက် အသက်ရှင်မယ်
          
          စိတ်ခံစားချက်တွေကတော့
          ခင်ဗျားသတ်လို့ သေဆုံးသွားခဲ့ပြီ.....။
           #yns

ဒုတိယအကြိမ် အသည်းကွဲခြင်းက စိတ်ဓာတ်တွေ ဟိုးအောက်ဆုံးထိရောက်အောင် ဆွဲချခံလိုက်ရသလိုပဲ...
          ပထမအကြိမ်တုန်းကတော့ တဖက်လူကို သေလောက်အောင် အရှက်ကွဲအောင် တမျိုး ၊ နာအောင် တမျိူး ပြောဆိုတာမျိုးတွေလုပ်နိုင်ခဲ့တယ်။
          ဒုတိယလူကိုကျတော့ ဘာမှလဲ မလုပ်နိုင်သလို၊ စကားလေးတခွန်းတောင် သွားမပြောမိတော့ဘူး။
          ငါပြောလိုက်ရင် သူအရှက်ရသွားမလား ဆိုတဲ့စိတ်နဲ့ ဘာမှမလုပ်နိုင်ခဲ့ဘူး။ 
          ကိုယ့်အပေါ် အစစအရာရာ ကောင်းပေးခဲ့ပြီး အဆင်မပြေတိုင်း အနားမှာအမြဲရှိခဲ့တဲ့ သူတစ်ယောက်က ရုတ်တရက်ကြီး အခြားတစ်ယောက်ကို လက်ထပ်သွားသတဲ့...။
          အခုထိ မယုံနိုင်ဘူး ဖြစ်နေတုန်းပဲ....
          သူလက်ထပ်သွားပြီ၊ အိမ်ထောင်သည်တစ်‌‌ယောက်ဖြစ်သွားပြီးဆိုတာကို ကိုယ့်ကိုယ်ကို ပြန်ပြီးသတိပေးနေရတယ်။
          
          အခုခံစားချက်က ဘာနဲ့တူလဲဆိုတော့ 
          ကိုယ် မှီထားတဲ့ ထောက်တိုင်တစ်ခုကို ရုတ်တရက်ကြီး ဆွဲဖယ်ခံလိုက်ရသလို...အလဲလဲအကွဲကွဲပါပဲ...။
          အရမ်းဆိုးရွားတယ်။
          
          အဆင်ပြေလားမေးရင် ...အဆင်‌ပြေပါတယ်လို့ ဖြေနေရပေမယ့် တကယ်တမ်းကျ သေလောက်အောင် အဆင်မပြေဘူး။ 
          ညဘက်တွေ တစ်‌ယောက်ထဲ ကြိတ်ငိုနေရတုန်းပဲ။
          ဘယ်သူ့ကိုမှလဲ ပြောပြနိုင်တဲ့ စွမ်းအားမရှိဘူး။
          ပြောပြမိရင်လဲ ဝမ်းသာမယ့်သူက ခပ်များများ။
          ကိုယ်အားနည်းတာ လူသိတာပဲ အဖတ်တင်မယ့်အဖြစ်မျိုးမို့ တစ်ယောက်ထဲ အလူးအလှိမ့် ကြိပ်ခံစားနေရတယ်။
          
          အဖေနဲ့အဖေသာ မရှိရင်၊ အဖေအမေအားကိုးလို့ရတဲ့အခြားမောင်နှမတွေသာ ရှိနေရင် ဒီအချိန်ထိ ငါလူ့လောကကြီးမှာ ‌ရှိနေနိုင်မှာ မဟုတ်တော့ဘူး။
          
          အဲ့လောက်ထိ ခင်ဗျားမရှိလို့မဖြစ်ခဲ့ပါဘူး...။
          
           #yns