♥️🌸

٢٠٢٥ ع قدما نقول انك جيتي وح تمشي ف لمح البصر !ع قد ماالأحداث والأشياء اللي صارن فيها هلباا تناقضات وهلبا حاجات صارو بين حزن ودموع بين فرح بين تكتشف حاجات ف نفسك وعن غيرك انت مكنتش تعرفهم من قبل والأهم من هكي ان صرت أنضج ف هالسنة لأن حرفيا تعلمت منها هلبا دروووس وأهمهن الصبر ، والتوكل ع الله واليقين به وان الانسان مهما كانت قوته ومهما كانو من حوله من ناس وصحاب واقارب بس يضل ربي هوا مرجعه الوحيد وهوا اللي فاهمك وسامعك والأهم عارف اللي ف قلبك ونيتك شنو مرات يجي ف بالي لو مكنتش مسلمة لمن ح نلتجئ؟ لمن ندعي ؟ وشن كنت ح ندير لما تضايق بيا دنيا غير الصلاة ؟! ف نرجع ونشكر ونحمد ربي ع هالنعمة .
          مجرد خربشة ليلية ♡ .
          ٢٩ .تشرين الأول.

١٦ اكتوبر ٢٠٢٥.
          الحمدلله الذي بنعمته تتم الصالحات 
          نجحت ♡.
          3rd year done♡.
          وياهلا ب ربيع الطب♡.

١٥اكتوبر . ٢٠٢٥.
           حسيتو ان نختفي نختفي ونجي نقول كلام وبرضو نمشي ك نوع من فضفضة ممكن بس نحس لما نكتب نتريح منكتب شوي من اللي نعانو فيه من جامعتنا الموقرة ^^.
          طبعا زي ماتعرفو ان اني طالبة سنة تالتة كملت من اسبوعين وممكن اكتر شوي امتحانات ، ف الغالب اسبوع وحتى اقل بيش نتيجة تطلع بس كليتنا من تأجيل لتأجيل ولاهيين بالدفعات الجدد وبامتحانات ونتائج سنوات تانية، وناسيين ان ف طلبة يحرقو ويخممو ع نتيجتهم ، 
           مهم ع اساس ان نتيجة خلاص يوم الخميس شوي نفتح تيلي توا مالياش ثلث ساعه لقيت قنوات فجأة شن في وهك نلقى ان نتيجة غدوة أحد الدكاترة مقايلها لطالبة وان كلام رسمي يعني surprise وعقاب ليل !
          ولاحول ولاقوة الا بالله 
          مش عارفة شن بيرقدني ولاأعتقد إني ح نرقد الليلة ومشكلة مش معروف وقت النتيجة بالزبط امتى الظهر قبل   أو بعد مش معروف !
          ف النهاية دعواتكم ليا بالتوفيق والنجاح وان ربي يرضيني بأي نتيجة كانت وبس ♡. 

.٢٢.٩.٢٠٢٥
          ليالي الامتحانات قاسية جداااا ع قدر قسوتها نرجو شفاعتها من الله.
          

 عارفين ان اني بديت من 10/10 ولعند توا مكلمتش يعني قريب نصكر سنة ومزال مكلمتش تالتة 
          بدينا أول ناس واخر الناس نتمو 
          جي رمضان وجت العيد الصغير والعيد الأضحى وجت عاشوراء وجي المولد النبوي وصار حرب وانقلاب وتالته مكملتش^^
          وحاليا ف آخر مادة وأصعب مادة وأقل ايام والطاقة نفدت ونحس ان مش ح نعطيها حقها لأن حرفيا مليت مليت وعييت وفديت ^^!.
          دعواتكم تمشي بأقل أضرار وان تمشي تالتة ع خير لأن حرفيا خلاص نحس معاش عندي لانية ولا جهد ان نكمل حرفيا .
          
          مجرد تفريغ ع اللي نمر فيه )^^.
          وتوا منرجع للباثو.

أتمنى أن يجمعَنا سفرٌ طويلٌ أخبرُك فيه كيف كانت الرحلةُ صعبةً قبل أن نلتقيَ،
          
          وتخبرني أنَّ كلَّ صعبٍ يهونُ ما دام التقينا..♡ .
          
          

«الأمل
          وَحدَهُ مُوجِع 
          حينَ لا يَتبقّى سِواهُ!»

2.9.2025 
          تاني امتحان ف ثالثة غدوة 
          دعواتكم ليا ان تمشي بأقل أضرار☹️.

واتباديون كيف حالكم^^.

السلام عليكم ورحمة الله وبركاته
          
          ═════ ¤❁✿❁¤ ═════
          
          كيف حالك / حالكِ ان شاء الله بخير
          لدينا سؤال ويهمنا سماع رأيك/ رأيكِ به
          
          ═════ ¤❁✿❁¤ ═════
          
          「شكرا」: كما هو معروف كلمة من أربع حروف تدل على الامتنان لفعل المعروف اصلها من اسم الرؤوف سبحانه الشكور
          
          الشكر بضع كلمات، تقال جزاء لفعل الحسنات ، فهل هناك فعلا : شكر على واجب،ام أنه لا شكر على واجب ،
          
          ما هو مفهوم الشكر بالنسبة لك / لكِ وهل نحتاج ان يشكرنا الأخرين ؟ على واجب او غيره؟
          
          فما رأيك انت عزيزي/تي القارئ /ة لاتتردد في ابداء رأيك ..
          
          وشكراً
          ‏ 
          ‏❡ تساؤلات plus
          
          «اقترح فكرة التساؤل القادم»
          
          أسعد الله أوقاتكم جميعا.
          
          ═════ ¤❁✿❁¤ ═════