Writer-Yasso

السلام عليكم بنات ، كيفكم ان شاء الله تكونوا بخير .. وكيف رمضان معكم ؟ 
          	..
          	اليوم راح احكيلكم خبر انه بحزن نوعًا ما بس اخدته عن قناعة و رضا تام :(( 
          	
          	بهذا اليوم بتاريخ : ٣٠ مارس / 
          	بعلن  تَـركي لكتابة الروايات بشكل دائم لوجه الله .
          	
          	الموضوع اخد معي وقت كتير وتفكير كتير ، ما بنكر انه حزنت بس انه الفترة الي تركت فيها الكتابة كانت كافيه انه تخفف علي هذا الحزن وكمان الرضا بأنه ربنا راح يعوضني لانه تركت الكتابة لوجهه الكريم :)) 
          	
          	للامانة انا حدا بحب الكتابة جدًا بس انا سألت كتير ناس وشيوخ عن موضوع الكتابة وخصوصًا الروايات الي بكتبهم انا ، و طلعوا انه مخالفين للشرع والاسلام .
          	وانا ما بدي اوقع بشرك او منكر بسبب اشي انا بحبه واستعملته بشكل خاطىء. 
          	
          	الحساب هاد راح يضل فقط للقراءة او راح احذفه لسا ما بعرف. 
          	بتمنى محدا يزعل مني بس وضعي حاليًا اختلف من ما كنت عليه قبل ٥ سنين لما كنت اكتب بالوات ، تفكيري ، عمري ، حياتي ، كل شي اختلف 
          	+الجامعة وتخصصي كلهم ماخدين وقتي + ان شاء الله مستقبلًا راح انشر رواية ورقية وتكون الها فائدة ومن موضوعات تخصصي الجامعي يعني الكتابة حتضل صديقتي لكن باسلوب اخر وافكار اخرى.
          	
          	بحبكم كتير وانتوا كنتوا اشي حلو بحياتي ومستحيل انساكم وحدعيلكم دايمًا.
          	
          	اهتموا بنفسكم سكراتي ، استودعتكم الله ، مع السلامة ♥️