Writer_Rokia
بـسَم الله الـࢪحَـمٰن الࢪحَـيم
بقـلمي: رقــيَه الـ مَـرتـضَىٰ
التصويت لـطفاً وليس أمراً
گاعده بحديقه بيتنا واباوع للشجر لهوا يطيرهن وصوتهن مرعب اباوع ونسمات الهوا كل حلو رفعت راسي ء مغيمه والجو بارد لدرجه قويه يطك بالعضم وعلى گعدتي سمعت امي تصيح
الام: وينجج يمه جماره
جماره: ها يمه هنا بالحديقه
مدت راسها وشافتني گاعده كالت
الام: يااا يمه غير بارده شعندج گاعده هنا
جماره: مختنكه يمه گلت وين اروح واجيت هنا
الام: لا يمه گومي لا تتمرضين وين انطي وجهي گومي لغرفتج بعد امج
بدون اي گلام گمت صعدت لغرفتي فتحت الباب ودخلت وسديته وگعدت على الجربايه گلت خل اطلع دفتري ارسم شوي لان ضوجه طلعت دفتري وگمت ارسم شوي وسمعت اجاني اشعار بالتلفون شلت التلفون اشوف منو وابتسمت من شفت صديقتي مذهله دازتلي وگاتبه
مـذهـله: هلاو جمارو
جماره: هلاا بالحب
مـذهـله: شلونج
جماره: الحمدلله وانتِ شلونج
مـذهـله: الحمدلله، ابوج بعد هم حاجاج
جماره: نفس گل مره يختي
مـذهـله: الله كريم حبيبي لاتشغلين بالج
جماره: ونعم بالله
مـذهـله: اگلج راح اعزم نـبأ وجمانه تعاي ويانه
جماره: ماادري يمكن ابوي ميقبل
مـذهـله: يمعوده لحي عليه وسويلج عركه وياه
جماره: لج انتِ خبله اني بس احط عيني بعينه اخاف
مـذهـله: شردي وخلي امج تغطي عليج
جماره: راح اگول لـ امي واخليهاا تگول لابوي انو رحت لبيت عمي يم بناته
مـذهـله: تمام حبي انتضرج
جماره: ماشي ڪلبي، يلا اخذي راحتج راح انام
مـذهـله: تصبحين على خير
جماره: وانتِ من اهل الخير
سديت التلفون من مذهله ولفيت راسي ونمت ماگعدت اله الساعه بالعشره الصبح نزلت من الجربايه ورحت نزلت جوه اسوي الريوك وي امي