طروق

شعر شعبي عراقي:
          كطعت الساني خاطر ما احاجيك
          وخاطر ينتهي البينك وبيني
          لكيت انوب عيني تسولف وياك
          دكلي شلون اكص لسان عيني؟
          
          شعر شعبي
          
          انه اجيتك والدرب يمطر رصاص
          وكل رصاصه تثور يم بالي انگتل
          افتح الباب برضاتك حتى افوت
          ڪسرت الشباچ هينه اعله الخبل ..
          
          شعر شعبي
          
          بتوالي الليل روحي لاچت الكم
          احضنوها خطيه لاجت الكم
          عزيزه الدمعه لاجت لاجت الكم
          امسحوها بردنكم عاد اليه !
          
          شعر شعبي
          
          يا جذاب عندك كلبي للونسة
          عشت مخذول صار سنين موهسة
          شعندي غيرك من كلتها ضحكتني
          امي كَبلك سولفتلي شعندي غيرك
          خلفت فوكاي خمسة ..
          
          شعر شعبي
          
          هذا برودك شنو
          عايش اللهفة جنت
          وية شخص قبلي ؟
          شو اني حيل أختلف
          تخيل رسالة تجي
          تگومني من اهلي
          
          شعر شعبي
          
          وفجأة حَسّيته تَغير
           ونَمت خَايف مِن كلامه
          وگلِت يَمكن يَبتعد  
          وأني أول ماغُفيت 
          أتحلمّت بيدي زرعته 
          وغيّري يشلعَ بالورد
          شَورطاني بهاي كِلها
           كون أرد لأول رسالة وما أرد
          
          شعر شعبي
          
          بأسم غيري صحتلي وما زعلت وياك
          وتزاعلني اعله كلمة العام حاجيها
          كتلك عمت عيني وكتلي حيل وياك
          وانه الهسة اشوفن صورتك بيها ..
          
          شعر شعبي
          
          بعد ماهمّن لگلبك 
          ولا بليل احسن ينخطف لوني
          اذا ما يوجعك گلبك عله حروفي
          عليمن هالسواد التارس عيوني .
          
          شعر شعبي

@كايا-1 هاي اكتبه باليوتيوب ويطلع الك شوف كلامهن عليه طبعا علي هو اني

طرطر

"مستر بين"

همت والليل عكبك...ون كضيته 
          لحد ما كلبي خلص...ونگضيته 
          یلو تعرف نهاري...ون گضيته
           مگابل صورتك وفرك بديه
          
          من اموت برودتك خليها ع التابوت
          وبيدك كون نعش جنازتي تطبگه
          وخليلي دمعتك ع الگبر نيشان
          خاف بجفن گبري دموع ما تلگه
          خاف يمر وكت وتزورني من بعيد
          تدليك بمكاني حرورة الشهگه.
          

يا عَزيز الرُوح شلون امل
          مِنك ؟ ويا أخر نفَس بالروح
          ما أگدر اعوفنك .
          
          
          
          لَيش هِيج تسوي يَمعود شجاك
          مِن رحت خليتني الهاذه وهَذاك
          ردت اموت وكمت اخربط بالعلاج
          خَاف واحد يدري مَيت من وراك
          وما حِجيت ولا شكيت بكلبي ضام
          ليش ما خَليت للعشره احترام
          جِنت اريدك بالحلال وما رضيت
          وهسه اريدك بالحلال وبالحرام
          مِن درت وَجهك درت وَجهي ومشيت
          ردت اكلك وين رايح واستحيت
          قاومت كِدام عينك بَس وراك
          الله شاهد حته بالشارع بچيت
          وخل اكلك خاف ما عندك خبر
          راد يوكف كلبي بس رَبك ستر
          وما مصدك عبرت وهسه اني زين
          والله لو مو الله ما اطول شَهر ..