.

ما ناسيك بس واللّٰه الضُروف هِواي 
          وأحس بِثنينهن مِشتاق و مقصر 
          أنا لو ناسيك ما چان أفز بالليل 
          وأحضِن صورتِك وَ ثنينه نجَمر .

بينك وبيني 
          حُب عُمر مو يوم ويومين 
          كلمه حبيبي كم حرف 
          تختصرلي سنين .

طَك اصبع يِا وَطن كثَرو مناويچكَ .

چنت امشط شعري شفته يوگع خصل خصل
          ابتسمت بإستهزاء فَـ تذكرت بيت شعر يگول
          فوگ الضيم العليَّ شعري وگع بين إديه .

وَلو خبر مِنك يجيني
           الناس تِعدل من جديد
           الضوة يبين من بَعيد
           مُطر ينزل ، شمس تضحك
           المشانق تنصب مرجوحه لأطفال الشهيد
           الورد يطلع بالجماجم لو تجيني 
          واقدملك اعتذاري وانكساري و كُل حَنيني .

 تدري حبيبي بغيبكَ 
          ما تسوىٰ دنياي 
          عطشان موت لشوفتك
          ما رايد الماي  .

احرگني گتله حطب 
          بيه إدفه وأنه احترگ
          كيف حرگني و دفه
          وطفاني بعد الحرگ
          گتله ضميرك صحه
          لا گال اريدك فحم 
          مرتين راد احترگ
          
          لـِ سَمير صبِيح .

 أَسمـر دخيِلــگ يِسمَـر
          عيَنــه شهلَه وشعـَر اشگر .

 موتنيَ بالبعاَد 
          زيد بِحبك عناد
           سَم خليلي بالزاد
          ولا هذا السمعتَــهَ
           عليهَ تگول مو زين
          غلطهَ من عرفتــَــهَ
           ما ينجرع مرُ حيل
          بالگـــوةَ جرعــتـــَهَ
           حاير بيشَ اداري 
          گلبي الي جرحتـهَ
          هذاَ الهم والجــروحَ
          عساها بِــبختك انتَ .
          
          
          
          
          
          
          لــــِ  احمَد جــَواد .

انا وياج يم شامه 
          بكيفنه ونلعب لعب
          ونسوي كلشي نحب 
          انا وياج يم شامه 
          عدكم درج عدنه درج
          نصعد و من الله الفرج
          انا وياج يم شامه 
          خليها تغرك السفن
          اليله نكضيها حضن
          انا وياج يم شامه 
          امنيتي اصب نار العشك 
          وشفافج احركهن حرك 
          انا وياج يم شامه 
          انتي بسطح وانا بسطح 
          نتغازل الحد الصبح
          انا وياج يم شامه
          نتلاكه لاكهرباء ولا ضوه
          نتبادل البوسه سوه
          انا وياج يم شامه