َ

شيعوضني الدمع وانه الخسرته اهواي
          وعلى رملة امل كل عمري وشلته
          وانه الباكو نهاري ورحت ادوره بليل
          والمسودن طبع ميعوف سالفته
          على نفس الدرب ذبولي بس الصوف
          حتى ارجع واكول اذياب ماكلته
          واني الماصبر والعطش ماوازاه
          دنت نفسه وذبح بالصحره راحلته
          كلب ماجنه كلبي جني متبنيه
          جرعته التعب مايوم دللته
          طفل من ايده اكوده وهوه يمشي اوياي
          وعلى ضحكه بكهف للموت نزلته
          انقفل باب الصبر كد ماادك اعليه
          مو خالي كرم بس اني مللته
          بعد ماهد سهم كون الطريده بعيد
          مابيهه فخر لو اكول وصلته
          وشفت عصفور ميت كل جرح مابيه
          حرت هذا المنيه اشلون واصلته
          شلت راسي وشفت بالشجره عش محروك
          كلت هذا السبب والحركه كاتلته
          ونفس موته متت والجسد لحد الروح
          وحسراتي الجفن وبدمعي غسلته
          سحب سيفه الزمن هل من منازل صاح
          أعزل ماخفت والزمن نازلته
          مالحته ابد لكن ترسني اجروح
          بس عندي المهم ماعفته قاتلته
          دبسك ياضمير الصار بيه اهواي
          بسك هالعمر مايوم جاملته
          حذر بسوالفي نكلة جدم صياد
          واسال خاطرك هم يوم جفلته؟؟؟
          كصبه اعله الجرف يدفعها روج الضيم
          ويحنيني الهوى بس طبعي عدلته
          آنه ابن الجنوب السور والباب
          وهوري وطيبتي ونخل العناوين
          انه السيف الرفض نومات الكراب
          وانه النسمه التهب من الروازين
          وانه الفاله الغفت بصدور الاجناب
          وانه الضحكه التواكح خزرة البين
          اذا كالوا كرم طارينه ينجاب
          وطبع ناعور ماتهده الفناجين
          نصعد عالجروح طباع لبلاب
          ولاثيل ذليل تدوسه رجلين
          انه النهرين عندي تلاكوا احباب
          حبيبين التقوا والحب بساتين
          
          ـ
          
          ـ
          لـ سمير صبيح✨

https://www.wattpad.com/user/EIHIIE?utm_source=
          
          سِلَام علَيَکْم
          هّوا وآحد ¹ ✓ َِ⤿
          

نقطة ضعفي جانت كلشي وياك شيجي ابالك يهزني وياي لتحير
          صرت منخل كبالك والهوة وياك واجذب لو طعنتك ضامهة ابير
          انة الشجرة الكبل بأغصانهة احساس وعلي هدن ربعيعك والمناشير
          بعد بية مجال وبيك طعنات كدهة وعل طعن مابيك تقصير
          اورث ذكرياتك واشرب وداع كل ما ادير وجهي او وجهك ادير
          بل موادع بروحي يصير تابوت وبل ملاكة هلاهل دمعتي اتصير
          اكلت ملحك بجرحي وغزر وياي واكلت سنين عمري ومامضن بيك
          الله انطاك عمر وعشت وياي شتضن وي غيري هم الله ينطيك
          جنطة سفر دمعي وماخذة وياي خلص بأول محطة كبال طاريك
          عليك مخلي بالي واخاف فد يوم تبرد بية حاس ابيش اغطيك
          انة اموصي الجروح يلبسن ثياب مو لاجل الستر بس خاف امر بيك
          اكو حنضة ملاكة وحضنة وداع ياهو اتريد منهم من الاكيك
          خلص ماي وجهي شطلعت وياك واكللهم جنت عطشان اوديك
          ارسمك ملتفتلي وتطلع اوهام ملامح وجهي مافهمت معانيك
          بثكل جرحك كبل خطواتك وياي شنو شو عل زعل خفيت رجليك
          من اذب حسرات انشف حرورة الصيف هيج وياي وصلت من اسميك
          من اكشف اجروحي هيبة كبال الجروح بكثر مامشن جنت بروحي امشيك
          مطر غيم انتضارك يبس الروح ونهر ملكة اشتهيت بروحي ابديك
          جفيتك و ادري تاخذني ورة جفاك
          حسرتي ولوعتك والهم ورةجفاك
          بخيالي جروحك مبينة ورةجفاك
          وخناجر كمت احس النفس بية

عــــدت مشهــد ضحكتــك بـس لگيتــه رمــاد
          طفـــــه يــم غيــري بــس بوجهـــي طشــّـيته
          علـي يفتــل غــــرورك مــو عشــگ دخــان
          و العـــــذيبي إلــيهــــــب عطـــّـــاب ســـــوّيته
          هـــــواك لشمعتـــي ســـولف بطـــــول الخيـــط
          شعــــــل روحــــي و حنيـــنك بيــّـــه طفــّـــــيته
          إختـــنگ ليـــلك بــراسي و مــا تنفــّـس طيــف
          و فجـــــرك هــــوى يمـــــرني و مــا إشتمــّـيته
          أثــر طعنـِــتك زنجــــر والخنـــــاجر بيـــــض
          عكـــس گلبــــك ويــــاي إلـمــا صفــت نيـــــته
          أنــــا دمعـــــة غريــــب بكــــل سهـــولة تطيـــح
          جـــــدمي لذكريـــــاتك ليـــــــش ودّيتــــــــه ..؟
          فراغـــــــك و الگبـــــــر يتشـــــابهن بالعـــــــين
          منـــو منهــن يعيـــش بـــــروحي وصـّــــيته ..؟
          بـ گفـَــه كلمـــــن يمرنــــي تسافــــر الدمعـــات
          بـــــــس إنــــــت عليـــــــــك العمـــــر بـــــــدّيته
          إذا تمشـــــي بخيـــــالي تعثـــرگ اللحظـــــات
          إلــ بيـــــهن جـــــدمك ويَــــه الغيــــر مشــّــــيته
          بعـــد لتـــوَدّي طيفــك ليـــلي مــا بي شـوگ
          إجـــاني و بــــاب جفنــــي بـوجهـــه ســـــدّيته
          ـ
          
          ـ
          عَـلي رشـمَ 
          

صباح العافيه نزفها على ملكاك
          الك جم حسره بيه اترجمت شوك
          علي التابوت ابد مالايك عليك
          المثلك بس ضحك لشفايفه يلوك

زعلانه كالو لاتمرها بحلم
          كلولي دمعج عل جفن ماعثر
          اشتمو فراكج بيه من سولفت
          مريتي سيف وصار خلكي نحر
          يضفرون وجهي وتنثر عزتي
          بعيوني تطفى وجوه كل البشر
          شخليتي بيه وصدري فارغ طلع
          شعاف الندى من اثار فوك الصخر
          دبريلي ملكه بروحي وحشه حضن
          شكد ناس زغرت من فراغج كبر
          شجريتي مني ومانجر النفس
          ضل الحلم بعيوني يطبع اثر
          رحتي وخيالج لاغفى ولامشى
          لاعاف روحي ولابعيني استقر
          اربع مواسم ضل خريفج يجي
          طاحت ملامح وجهي مثل الشجر
          كل خطوه ريت الكاع تاخذ نفس
          وانا اختنك لو مني جدمج عبر
          شباج وجهي شكد رسايل بقت
          محد قراهن جنت الوم القدر
          خيط عليه الليل وجه وكفه
          يعثر بنيته الكدر وماكدر
          وديلي كلشي الجان من ريحتج
          مشتاكلج مرسه وشراع وبحر
          ماغسل وجها من الضوه البي تعب
          شكد انعكس بل ماي وجه الكمر
          عيني بكفه اليمشون صارت وشم
          خطواتهم ضلمه وضواهم كصر
          ذكروج يمي ودمعتي استعجلت
          هزو صفنتي وطاح وجهج تمر
          ترسو عيوني ملاكه مابينو
          ما ادري من عفتيني بيه شزغر
          تانيت جيتي وين ماينشمي
          وشلت جدمي اعلى الدرب والنضر
          جمره بخور الذكرى لمن تمر
          تورث حسرتي وبيه تمشي بحذر
          يعرفون جرحي الحبو وفاركو
          ويدرون جفني شجم حلم بي خسر
          الصبخه جنت ارويها من كصتي
          يتشابه بعين العطش والمطر
          ذيج انتي وانا بغيبتج موصدك
          تعبتي جدمي وساعتي من السفر
          بي حيل هجرج وانا وشله خلك
          ذبلن وجهي مناطرج والسهر
          يعجبني ذوقج مثل ذوق البلم
          متعافي ياخذ راحته باي نهر
          نتشابه انا وياج من نفترك
          ويختلف وجهي وروحتج بل صور
          
          للشاعر علي رشم
          

الهـوه يلتـم علـيه منـين مـاذكـروك
          وادگ رجــلي واظـل بـعـازة الـخـنگه
          وأغــص بــريحتــك ماگمت اغص بالزاد
          المــفارك النــسمة العــابرة تــغرگه
          مـوبـس الصـواب النــفس هم كــتالـ
          سـهم يـمشي الخــريف برية الورگه
          نـيتك صـافيه وتـــعرف شلـون تـــروح
          وتــندل ياحــلم من لــيلك تشــگه
          صـحـره بـعـين بــدوي اتـمنى روحي تصير
          على حــرورة رملــهه يطــگ عشب خلگه
          مـن اشـوفك حسـبت حضـنك يصير گماط
          وتـدك روحـك صليــب بضلعي بالـشبگه
          واشـد من غيـبتـك ماصـخ طلع ملـگاك
          اجيـت وثكـل جـدمي ودمـعتي تسبگه
          انـه مـالح واغــزر من ادوس الگاع
          شنـي ماغـزرت ويـاك بـالمـلگه
          رايـدلـي خلــگ يعــبر صــهيل اللـيل
          علـي گامت طيـوفك من تـجي مدنگه
          شـزغـر بيه وعفــتني وكـبرت فـرگاك
          دمـعتي وصورتـك فـوك الجـفن رفـگه
          عليـك من انـسأل تصفن بـروحـي سنـين
          ومـاميـز بيــن اللــچمه والـــدگه
          الــعلي سألوك هم سألوني واحـتاريت
          سـويتــك نبــي وكلت نجــبر حگه
          وانــاشغ والــبچي يـوصل لـسابع لـيل
          وفـشلتـي بدمــعه تبـدي وتنــتهي بصـفگه
          طـش بـديـرتي حتى التــفت والگاك
          اخــتنگ صـدري ومـتت بمدافـع السـحگه
          گبل ماجـر نفس الا الهـوه المـر بيـك
          چنت بكـيف روحـي من الهوه استنگه
          الـيحط عيــنه بگفاي يشـوف الملاگيـه
          مبـين شكو بـروحــي شعافت الحـرگه
          الجـنت كبـالهم طــولي اعلى گد الشوف
          زغرت بــعينهم من كبــرت الفـــرگه
          بعــيده ولايــتك والصدفــه فكــت بـاب
          واجيت ومن لگيتك وجهك مســرگه
          مـن عــدهه وعــرفـت بنــشغة المـكتول
          وشـــتعوف الرصاصـة حـرورة بالتــفگه
          من امـــوت بــرودتـك خليهه عـالتـابوت
          وبــيدك كون نــعش جنـازتــي تطــبگه
          وخــليلــي دمعـــتك عالــگبر نيـشـان
          خــاف بـجفــن گبري دمـوع ما تلگه
          وخـاف يمــر وكــت وتــزورني من بــعيد
          تــدليك بمــكاني حرورة الــشهــگه
          -
          
          -
          لـ علي رشم

          تـرس روحـي الضـباب وبيـنت ويـاك
          كلـي بـروحك امـشي وجـرحي مـا شفـته
          انـه بالنسمـة أعـثر وانـت قيـس الحـال
          مـو جـدمـي وراك خـيالـي مـا شـلته
          وأجـي بـواهـس عـذر وحـروفـي مـني تطيح
          واتبـده اعلى وجـهك مـستحى وسكتـه
          وأنـخـل غـير وجـهك والـيطيح تـراب
          وانـكتهم واهـزهم بـس تـظـل انتـه
          رمـح فـركـاك إجـانـي مسابـك ويا الـريح
          مـاقـصرت تسلم بالنـفس جـبتـه
          بـس الـمحـتركـ يـفهـم حـجي الـدخـان
          ويـعـرف حـرورتـه ويـفهم سـبب عـلته
          مـثل عـاشكـ بـغربـة ومـره وكـت غـروب
          يـفرفـح مـن يـمر طـاري الـهـوا يـموتـه
          انـه بـخـصر السنابـل جـم حـلم ضـميـت
          وطـعـم شـبكـة المـنجل من رحـت ضـكـته
          النـدى عـمره مسافـه ومن يـطيح يـمـوت
          وانـه بعـمر النـدى وفـجـرك وصـل وكتـه
          اذا فـوكـ الـورد لو فـوكـ صـخرة يطـيح
          مـا تفـرق بعـد لـو عـمري طيـحتـه
          انـه مبـلل عـشك يل يبـست ملـكـاك
          رحـت وخـيال وجـهـك عيـني حـاضنتـه
          واظـفـر بالخـلكـ بلـكت كـصيـبه يـصيـر
          وضـوا جـفـوفـك بصـدري الكـاهـا ظـافـرته
          واغـص بلـيل واكـصر والـمسافـه تـطـول
          واجـي وتـعـثر عيـونـي بـكل أثـر عـفتـه
          واجـي مـغيـم سـهر يمـك وانـكط ليـل
          وطـرت مـو بالسـما لا بالحـجـي الـكلته
          وعـكس جيـة الضـوا روحـك بـروحـي تـطير
          وعبـرنـا الـسابـعـة وجـناحـي مـا درتـه
          ولـحد ثـامـن سـمـا وصلت الشهـكـة ويـاك
          واسـافر والتـراب بـجـدمـي مـا دسـته
          ونـكتّ ثـيابـي يـمـك جـان بيـهن غـيم
          مـن ثـامـن سمـا للـكاع وصـلتـه
          علـى غـصن انتـظـارك ريـح ما هبـيت
          وزرعـت الـميـل بيـه وخـضرت دكـتـه
          انتـه العلمتـني شـلون افـك ذرعـان
          بالـملكَـه المـوادع مـا تعـلمتـه
          من يكـبر فـراغـك صـدري جاـن يـضيك
          وانـه البـد بعـطـرك مـا تنـفـسته
          واكـدر بالـضـوا بـس مـا رهـم ويـاك
          وعلـى كـد الـشمس مـلكـاك فـصلـته
          وافـك نـشاب صـدري لـكل سهم بي روح
          واكـفر بالحنـين الـما اجـه بـوكـته
          الـترس راسـي بغـيابـك ريحـة البـارود
          سـاتـر والرصـاص يخـيط بكـصـته
          طـفـه وجـهـي بخـيالـك لـو بعد موجود
          مـن نـجـمـة اعلى نـجـمـة الليل ورثـته
          المطـر يـوكـع مغـمـض والتـراب يـشوف
          ما بللـت وجـهـي وسـافـرت سـكته
          مو مـا شـفت وجـهك ما شفـت مكـفاك
          شأمد ايـدي وكـفاكـ بعيـني ما لحـتـه
          ينـسمه وسافرت يـم نـاس مخـنوكين
          الـهوا ضـيكـ عليهـم وانـته كبـرتـه
          عَـلي رشـم

امَـس ويَـا الفـجر
          گـلـش حَـلمَ مَـوزيـن
          شـفـت اجـنازتَـي
          المَـحد شـايـلها وشـفـت
          امَـي لـطـمها گـبال الـمرايـات
          لأن مَـامَـش مَـرا 
          الـتـلطمَ تَـكـابـلها

كالوها گبل الراح ماينعاد
          واللحظة الجميلة صعب ترجع
          عمت عين الوكت مايدري بينه احباب
          طفت شمعتنا لاكن مانست تدمع
          من يوم ال رحَـت الگـلب ضـل مهـجور 
          بيـت وغابـوا اهـله هـم تضـن ينفع
          حسبت انـي ال خـواطر گـلمه تـرضع شوگ
          مفطومه ال خـواطر يا مُـحب تطلع
          صحت وبصوتـي عبـره ومن صحت بفلان 
          لگيتـك صوره ماتـسمع
          رحـل گلشي بغيابك بس بقت هل روح
          تروحلك فدوه بس تعال ارجعَ