Y_U_A3
أشوف الإنسان اللي يلتفت لأي شي لمجرد إن لفت نظره، ويقبل بأي شي متوفر بس حتى يسد فراغ عنده، سواء كان شخص أو علاقة أو حتى مجرد وجود مؤقت بحياته، هذا الشي بصراحة يخليني أستغرب، لأن مو كل شي يجذب انتباهنا يستحق إن ناخذه ويانا لباقي حياتنا، ومو كل شخص يونس وحدتنا يعني بالضرورة يناسبنا أو يشبهنا
اللي ما يتعود ينتقي، غالبًا راح يختار من الموجود كدامه مو من الشي اللي فعلًا يريده، يدخل علاقة لأن الشخص كان متاح، يتمسك بشخص لأن وجوده خفف عنه الوحدة، أو يقبل بشي ما يشبهه أصلًا بس لأن الفراغ خلاه يحس إن لازم يكون عنده أحد أو شي بحياته، وبعد فترة ممكن يكتشف إن اللي اختاره ما كان رغبة حقيقية، كان مجرد محاولة حتى ما يبقى وحده
وأعتقد المشكلة مو إن الإنسان ما عنده خيارات، المشكلة مرات إنّه ما يعرف شنو يريد من الأساس، فيصير أي شي متوفر كدامه يبدو كافي، وأي شخص ينطيه اهتمام يصير مهم، وأي وجود يخفف وحدته يصير وجود يستحق التمسك، مع إن مو كل شي يملأ الفراغ يستحق يبقى
لأن بالنهاية مو المفروض نختار الأشياء لمجرد إنها موجودة، ولا الأشخاص لمجرد إنهم متاحين، المفروض نعرف شنو يناسبنا وشنو يشبهنا وشنو فعلًا نحتاجه، حتى ما نعيش سنين ويانه أشياء اخترناها بس لأننا جنه خايفين من الفراغ، مو لأننا جنه نريدها فعلًا
Y_U_A3
حبيبتي هذا من ذوقج الحلو،فعلا لازم نكون هيج لأن بالأخير المقابل مراح يتأثر بالقدر اللي احنه حنتأثر بيه
bn-lll7
حِيل صَح، حَبيت هوايَ إلكَلام
لازَم نصِير هيچِ لأن بالأخِير إحنىٰ إلِي رَاح نتأذَة .
