YanAn1185
တကယ်တော့လေ နောက်လှည့်ကြည့်ရင်ကျောပဲရှိတယ်ဆိုတာကိုယ်မှ ကိုယ်အစစ်ပဲလို့ ထင်မိတာ ။ ရသမျှ ငွေပြန်အပ်လဲ မကျေနပ်ပဲ မရသေးတဲ့ ပိုက်ဆံအထိပါ လှမ်း မေးရှာတော့ ဘယ်လိုပြောရမလဲ ကိုယ့်ကိုမဟုတ်တောင် ကိုယ်ပေးတဲ့ငွေလေး သတိတရရှိပါသေးတယ်လို့ ကြံဖန်ဂုဏ်ယူမိပါရဲ့ ၊ အငယ်ဆုံးဆိုပဲမဲ့အကြီးဆုံးတာဝန်တွေ ယူနေရလို့ပင်ပန်းနေပြီလားတခါမှ မမေးခဲ့ဘူးနော် ။ အသက်30ကျော်တဲ့ အထိ အိမ်ကိုမထောက်ပံ့နိုင်ပဲ ထိုင်စားလာတဲ့ အစ်ကိုကျ နေပါစေတဲ့လား။အမေကိုင်ထားတဲ့တူလေးဟာ ကောက်နေတဲ့ သံထက်ဖြောင့်နေတဲ့ ကျွန်တော့်လိုသံကို ပိုထုချင်ပုံရတယ်နော်။ ခြံရောင်းလို့သိန်း200ရသွားတဲ့သမီးက 12000တန်ရေမွှေးဝယ်ပေးတာကို ဂုဏ်ယူတတ်တဲ့အမေ့စာရင်းထဲမှာ ကျွန်တော်မပါဘူးထင်ပါ့။ဘာပဲပြောပြောလမ်းဘေးနေလမ်းဘေးစားဘဝထက်စာရင် ကျောချစရာ အမိုးလုံစရာ နေရာပေးထားလို့ ကျွန်တော် ကျေးဇူးတင်မိပါတယ်။ လစာရယ် နှစ်ကြေးရတဲ့ ရှစ်သောင်းအပြင် ဆေးဝယ်ဖို့ ချန်ထားတဲ့ ငွေ 2သိန်းပါ အပ်ခဲ့တယ်နော် ။နောင်ဘဝကျ ကျွန်တော် လုံလုံလောက်လောက်အချစ်ခံရချင်တယ် ။ကျွန်တော် ချစ်ရတဲ့သူကိုလဲ ကျွန်တော်က မချစ်လို့လက်လွှတ်ပေးခဲ့တာမဟုတ်ကြောင်းလဲ ပြောပြခဲ့ချင်တယ် ။နောက်ဆုံး အမေ့ပါးက သနပ်ခါးကို ကျွန်တော် တစ်ခါလောက်နမ်းဖူးချင်တယ် ။စကားမစပ် ကျွန်တော်ကျောက်ပျဥ်အသစ်လေးလဲပေးခဲ့တယ်နော် ။ အဖွားလက်ထက်ကတည်းကကျောက်ပျဥ်ကြီးက သွေးရတာခက်သွားပြီမလား။ ကျွန်တော်အမေ့ကိုအပြစ်တင်တာမဟုတ်ပါဘူးနော် ။ လုံလောက်အောင်ဖြည့်ဆည်းမပေးနိုင်ခဲ့လို့ ကျွန်တော် စိတ်မကောင်းဖြစ်မိတာပါ။ အခွင့်အရေးရမယ်ဆို ကျွန်တော် ငွေပိုရှာပြီး အမေ့ကို မင်းသမီးစိုးမြတ်သူဇာလိုနေနိုင်အောင် ကျွန်တော်ကြိုးစားမယ်နော် ။ အဲ့ဒီအခါကျ အမေလဲကျွန်တော့် ကို ပိုချစ်ပေးမယ်မလားဟင်။
