Yasi13kyu
سلام على جميع المتابعين
القدماء والحديثين
بعرف طولنا الغيبة كتير ... بس حاليا رجعنالكم مرة تانية حبيباتكم ميرا وياسمين.
من كم يوم بعتتلي وحدة من البنات الغالين على قلوبنا تعليق عاتبتنا فيه بحب على غياب خمس سنين بعد ما وعدناكم برواية جديدة وأنه نحنا اخلفنا الوعد وطولنا الغيبة... و هالشي حرك مشاعرنا من جديد وأشعرنا رغم انه لنا فترة طويلة غايبين لكن لساتكم بتحبونا و بتنتظرونا.
نحنا والله ما أخلفنا الوعد و لا نسيناكم بس مشاغل الحياة سرقتنا منكم خمس سنين... من جهتي زواجي هو السبب حقكم عليّ، و من جهة ياسمين مشاغل و مشاكل و قرف الشغل، كانت السبب بابتعادنا عن كتير ناس و ضمنهم متابعينا الغالين، لهيك حقكم عليها وسامحونا.
حتى روايتنا الي كنا بنحضرها لتبصر النور وصرنا مخلصين جزء كتير كبير منها وقربنا من الخاتمة، الظروف بعدتنا عنها ونحنا مو متعودين ننزل عمل مو مكتمل، ونحنا دايما في بالنا هيك حساب أنه نوقف الرواية بنصها و ما نقدر نكمل... ونحنا ما بنقبل نقطعكم من الرواية ابدا، قلبنا ما بستحمل زعلكم.
بس هلأ رجع تجدد النشاط إن شاء الله ورح نرجعلكم بالعمل الي واخيراً رح يبصر النور بعد غيبوبة خمس سنين...
والكم منا كل الإعتذار والحب والتقدير لكل حدى مُخلص ومُحب بعتلنا عالخاص او بالتعليقات وانشغل باله علينا، وحتى كمان الي ما بعت النا شي بيكفينا الحب الي بتحملولنا اياه بقلوبكم والإنتظار الي انتظرتونا اياه فترة كتير طويلة.
راجعينلكم انتظرونا قريبا... بنحبكم كتير
