@YasmeenElsawy0
عُمري ما كُنت شخص إنتقامي، ولا عندي حيَّل ثُعبانية تخليني أقعُد أفكر إزاي أجرح دا، وأحرق قلب دا، وإزاي أندّمهُم عشان ظلموني أو جرحو مشاعري؛ أنا إنتقامي بسيط جدًا وهو إنّي بتّبع نهج "إعتزل ما يؤذيك" اللي هو أنا بموّت الشخص دا جوايا، لا بحنّله ولا بفكّر فيه ولا حتى يشرفني إنّه يمُر على ذاكرتي، الناس اللي تكدب وتجرح وتبيع ما يتزعلش عليها ولا حتى تستاهل إننا نضيَّع دقيقة من وقتنا ونفكر ننتقم منهُم إزاي، هُما أكبر إبتلاء لنفسهُم.. فالله يعينهم على نفسهم ويبعدهم عن طريقنا.
انا مش وحشه ممكن اكون غلطت بس عمري ما كنت وحشه مع حد عمري ما كسرت خاطر حد ، عمري ما حد احتاجني و ما لاقنيش ، اه بتضايق من اقل حاجه و متقلبة المزاج ممكن اقلب ع حد بسبب كلمه قالها ضايقتني بس من جوايا نضيف و عمري ما بعدت عن حد و لما ببعد عن حد بيبقي هو السبب في البُعد ده...
مش اسفه لحد
مش اسفه لحد عاملته بطريقه يستاهلها بعد ما قعدت گتير معاه بطبيعتي الناس بتتغير الدنيا نفسها بتدور ترهنو ع ثباتي ليه؟!
مش اسفه لاي حد وصلني لمرحله اني استبعده تماما ويخرج بره اطار حياتي عادي
مش اسفه لحد استفزني لدرجه خرجني بها عن شعوري وشاف اسوء ما فيا انت اللي بنت عاوز گدا
مش اسفه لحد خالص لو دايره معارفي اتشقلبت ودايره صحابي اتغربلت ودايره قرايبي اتفلترت الشده والمواقف قالت گلمتها معلش
گل حاجه مش صح ومش مريحه ومش سالگه تستاهل تتساب بدون اسف
في الفترة الأخيرة، ردود أفعالي تجاه اللي حواليا بقت أهدى بكتير جدًا، عِتابي قلّ بعد ما اكتشفت إني ضيَّعت طاقة ووقت كتير جدًا في محاولة عتاب ناس مبيفرقش معاهم العتاب أساسًا وبيشوفوه "وجع دماغ"، بقيت بتعامل بمنطق التجنُّب والاستبعاد؛ يعني فُلان قدملي رد فعل سخيف على لحظة شافني فيها ضعيف ومحترمش ده بشكل مُرضي ليا، بقرر إني عمري ما هظهر ضعفي قصاده تاني.. فُلان محترمش سؤالي عنه ورغبتي في وده، واتعامل مع ده باستهتار، بأبطل أسأل عنه وبريح بالي من وجع القلب، حسيت إني وجودي بقى تقيل على شخص ما، حتى لو بحبه، بخف وجودي وأسيبه هو يبادر لو حابب يسترجع وجودي بشكله القديم المُكثَّف؛ يمكن كل ده بدأ مع قناعات بتتأكد جوايا إني مُكرَّم جدًا عند اللي خلقني، وحياتي أغلى وأهم من إنها تضيع في الحُزن على حاجات وناس ميستحقوش الزعل، ما هو حتى الزعل غالي، مينفعش يتقدم كده عشان أي حاجة أو أي شخص.
بلاش تظهر لحد كمية الحب إللي جواك نحيته
أو قد إيه إنت ضعيف من غيره
أو مثلاً قد إيه إنت محتاجه في حياتك
عشان هيدوس عليك
ومش هيهموا أبداً إنت كويس ولا لا
هيجي عليك عشان عارف إنك إنت مش هتعرف تعيش من غيره
هيغلط بدل المرة ألف و ألفين
وليه ؟
عشان عارف إنك هتسامحوا
هيمشي و يرجع بمزاجه
عشان هو عارف و متأكد إنك إنت في كل مرة هتبقى قاعد مستنيه
ماتديش لحد كمية الحب إللي جواك كلها
إلا لما تتأكد
إن هو كمان
بيديك نفس الشعور
ماتذلش نفسك عشان خاطر حد
محدش يستاهل❤️
بشوف المواقف والظروف والابتلاءات الصعبة في مضمونها نعمة كبيرة مابناخدش بالنا منها .. بتكشف الناس اللي حوالينا ..!
ناس كتير بتقع من نظرنا كنا فاكرينهم فوق .. وناس تانية بتفاجئنا إن المفروض يكون ليهم الاولوية في حياتنا ..
ناس بتسقط وناس بتعلى .. ناس بترتقي وناس بتقع في قاع نظرك .. ناس قريبة بيعيشونا في كذبة .. وناس بعيدة بيحبونا ونفسهم يبقوا قريبين ..
مرحلة صعبة اه .. بس هي مرحلة لتنقية حياتنا ..
بنخسر ناس .. بس بنكسب نفسنا ..!