ZeinabEldewiny

صباح الخير انا بقدم محتوى وطريقة كتابتك تحفه وبستأذنك اني استخدم قصص من اللي بتكتبيها

• لا تتزوج  من أجل الأطفال لأنك لن تنجب أحد الصحابة
          • لا تتزوج  من أجل إكمال نصف الدين لأنك غالبا لم تكمل النصف  الأول 
          • لا تتزوج  من أجل (الشهوة) لأنك ستشعر بالملل يوماً ما 
          • لا تتزوج  من أجل أن القطار سيمر لأنه يوجد قطار آخر بطريقه إليك 
          • لا تتزوج  من أجل عائلتك لأنها لن تدوم ابداً
          • لا تتزوج  من أجل المجتمع لأنهم لن يدفعوا تكاليف الزواج بالنيابة عنك
          تزوج لأنك تريد شريك حياة .. 
          وأن تبني حياة عن قناعة وحب وتفاهم وإنسجام
          
          المحاكم سئمت قضايا الطلاق 
          الآباء سئموا شكاوى الأبناء 
          الأبناء تشتتوا بين الآباء
          المجتمع ليس بحاجه لإنجاب جيل أحمق جراء سوء إختيار أو سوء تربيه أو إنعدام الأخلاق

مينفعش تفسّر أي فعل لطِيف على إنه علامة إعجاب أو حُب أو أو.
          ممكن جدًّا يكون امتنان مثلًا بس أو فيه ناس أساتذة في إنهم يدّوك mixed signals ويضللوك.
          
          لازم الإنسان ييجي يقولك شُعوره بطريقة واضحة وصريحة، وإذا مَقالش متستنتجش أي حاجة.
          
          أظُن كبرنا أوي على إننا نعيش على أوهام في مُخيلتنا احنا بس ونرجع نلوم الطرف التاني لما نصحى على خبر ارتباطه أو خطوبته مثلًا.
          
          وفاءً لقلبك
          حِب مَن يُحبك.

أعظم هِدية مُمكن تهديها لأي انسان
          انك تخلّيه يحب نفسُه وتشاورله على الحلو اللي جوّاه
          
          وإنك تزرع الثقة في نفسُه وتزوّدها جوّاه بالذات فِي لحظات الضَعف والانكسار اللي بيكُون شايف نفسه فيها قُليّل.'''

أول حاجة بفكَّر فيها لما بتعرَّض لِـ إساءة هو إني مِش عايزة في يوم من الأيام مع تغيُّر الظروف أبقى نُسخة من الشخص اللي أسَاء ليا، بخاف ربنا يبتليني بصِفات كرهتها في غيري، بمشي أكتب وأدوِّن طول الوقت في مُلاحظات كإني بذاكر الشخصيات اللي مِش عايزة أكونها في المُستقبل.
          
          شكراً لكُل إنسان بيحاول يبقى طيِّب.
          شكراً لكُل إنسان بيحاول♡

بمُناسبة عودة الدراسة:")
          
          خليك مُتدين، مُجتهد، رايق، سالك.
          جاهد نفسك على إنك متفقِدش واحده منهُم طول مَ أنت ماشي فِـ طريقك، أو على الأقل فترة فقدانهُم متطولش.
          لأنك بيهُم وبس هتكمِّل وهتطلع مؤهَّل أخلاقياً وعلمياً ونفسياً.'"

اللِي يُربط جناحك تحت مُسمّى انه خايف عَليك ده شخص " مُسيطِر "  و " أناني ".
          الحُب الحقيقِي بيخلقلَك جناحِين وبيعلِّمك الطيران.
          
          بتلاقِيه مُهتم وبيشجَّعك ويسقَّفلك 
          وفاتح أيديه يتلقَّاك ويحمِيك لو تحت الضَّعف جناحك خانك! 
          
          وعلى كُل حال، هتلاقِيه بيأكِّد انه فخُور بيك، هتلاقِيه فخور بيك، وبقُدرتك على الطيران'

لو عندك صَديق مَر بأزمة مُعينة ولسه بيحكِي عن تأثيرها فِيه برغم إنها انتهت، 
          أبسط حاجة مُمكن تقدمهاله إنَّك تبقىٰ جنبُه من غير تأنيب وكلام مِن نوعية: " تاني؟! نفس الموضوع تاني ؟! مش خلصنا يابني ! مش انت نهيت الحوار ؟" إلخ.." 
          طبطبوا عليهُم بس لحد مَ الوقت يداويهُم 
          and don't forget that:
          إحنا بنبطَّل نحكي لمَا مشاعرنا بتخلَص، مِش لما الموضوع بيخلص.'"

لما بنمرّ بتجربة مُؤلمة اول حاجة بنفكر فيهَا ازاي ننساها بسُرعة، فيه اللي بيدور على rebound ينسّيه بسُرعة، وفيه اللي بيدفِن نفسه في الشغل على امل ينسّيه بسُرعة، السُرعة وقتها بتبقى اولوية، ويمكن دي المشكلة..
          
          احمد خالد توفيق بيقول " ما ينتهي ببطء لا يعود بسرعة، لا يعود ابداً ".
          
          الوقت هو الفيصَل في الحكاية كلها، الوقت اللي بتاخده في التجاوز بيخلي التجاوز له معنى، بيخليه عن اقتِناع، مش مُجرد بتضحك على نفسك، الوقت بيجرّدك من مشاعرك، بيجنّب قلبك، الوقت بيخليك تواجه الحَقيقة، والاهم انه بيخليك تواجه نفسك..
          
          متستعجلوش النِسيان، ولا تبذلوا مجهود فوق طاقتكُو في التجاوز، الحُزن لازم ياخد وقته، لازم يتعاش، عشان قرارك بعدهَا بيبقى ناضج، اما قرارك وقتهَا بيبقى متهور..

هيفضَل دائمًا و أبدًا نوعي المُفضل مِن البشر هو الشخص اللي " ملوش دعوة ".
          
          طول الوَقت ملوش دعوة بحَاجة و مَلوش دعوة بحد، عايش فِي سلام نفسِي و روقان و سَايب خلق الله تعيش فِي حالها و عايش فِي حاله، عافٍ نفسه دايمًا مِن التنظير على خلق الله، سايب الخلق للخالِق و مُتصالح مع فكرة إنه مِش لازم يقول رأيه في كُل حاجة و أي حاجة.
          
           فَـ يا أيُّها اللي " ملكش دعوة ".
          لك منِّي كُل السَّلام ♡'