saja39209
فـ كلت خل اشغله واتابعلي شي اتله بي شفتلي مسلسل مدري شنو من مسلسل اسمه انت وطني جانت الحلقه الاولى وجان يعني حلو فـ المهم شغلت ونضفت الصاله خليته تلمع بحيث حته الحائط مسحته ورشيت معطر وكملت الصاله وانتهى المسلسل من زمان فـ رحت عَ المطبخ انضفه لكيت مواعين عَ السنك غسلتهم ومسحته وهم خليته يلمع صارت ورحت لغرفه هذه الولد مدري شسمه امداج خوله انطيتي كل معلوماتج واجيتي ويا لشقه وما عرفتي شسمه لعد اجكد ثولهه المهم لكيت ملابسه لميتهم ورتبت الميز والجربايه وعطرت الغرفه كملت كل الشقه بحيث رجليه ضلو يونون من التعب صارت السعه ب 6:30رحت للمطبخ اشرب مي...
ـ الله الله عَ الريحهههه.
رحت بسرعه غطيت راسي وطلعتله
.ـ ها غجعتت؟
ـ لا والله بعدني بـ الطريق ، ما تشوفيني كدامج وبعدين تعالي كليلي شعجب منضفه الشقه!
ـ ضليت كاعده جا وين أولي كلت خل انضفه
ـ ها حيلو
ـ اي ، جوعان اسويلك غيوك.
ـ ها ولج من شوكت صارت بيناتنه هل ميانه هوه ماصار من عرفتج غير 4 ساعات .
ـ لعد وذا غيغ صغت صاحب فضل عليه.
ـ لك فدوه لهل لدغه ، عذريني خيتي بس لدغتج حلوه عبالك جاي احجي وي طفله
ـ شنووو!، هوه انتَ مو صوجك صوجي اني اجيت وياك
ـ اي صوجج اكيد
ويسوي بيده هيج راح للمطبخ شفته يريد يشرب مي
ـ صدك يا ولد انت شسمكك.
ـ يا ولددد؟!
ـ لعد شكلك ، يلا يلا شسمكك كتلني الفضول اعرف اسمك.
ـ كتلج الفضوووول، اسمي ايليا.
ـ ياييييي.
ـ يمه صمله شبيج بويه تخبلتي .
ـ لا بس اسمك حلو .
ـ ها هم زين .
راح لغرفته ينام بيه واني ضليت صافنه وين انام بس بعدين طلع مو يريد ينام دخل اخذ ملابسه وطلع.
ـ اني راح أسبح فوتي نامي .
ـ وانت وين تنام؟
ـ اني انامن هنا بس جيبيلي غطى ومخده..