زيـزي🦋

أولاً: السلام عليكم ورحمة الله وبركاته طمنوني عنكم أهم حاجه
          	
          	ثانياً: أنا أسفة في اللي هطلبه منكم دلوقتي عاوزة أي حد يشوف الكلام ده يقرأه للاخر للأهميـة
          	
          	ثالثاً:ودي أهم حاجه لان فيها كلام كتير محتاجة اقوله ليكم
          	
          	 انا تأخيري عن الفصول مش بمزاجي بس الأنسان مش دايماً بيكون بنفس الطاقة والشغف طول الوقت أو طول السنة او حتى طول الشهر أو حتى طول اليوم فيه وقت بنفقد فيه الشغف حتى في الكلام الطبيعي ما بالكم بقصة وشخصيات وأحداث لازم أعيشها شخصية شخصية عشان أقدر أطلع فيها أحسن حاجه وأنا مش راضية كلياً عن أخر فصول نزلتها ولا راضية عن تفاعلكم معايا
          	الأنسان مهما صبر لكن صبره له حدود أنا كنت منتظمة تقريبا لحد الفصل اللي حصل فيه حادثة رّفيف ومن بعدها والأحداث بدأت تاخد منعطف مختلف وحزين وعميق عن بداية القصة وانا وسط كل ده مكنتش لاقية تفاعل كافي وكنت مكملة وبقول مش مهم 
          	بس انا الفترة دي مبقتش قادره اغمض عيني عن قلة التفاعل على الفصول هنا ولا البوستات على الفيس في العموم حتى الجروب بتاعي شبه مفهوش حد 
          	الفصل الجديد كان ممكن يجهز وينزل من بدري لو انا كنت حسيت باهتمام او حماس للفصل ده انا كتبت منه يادوب البداية بتاعته وكل ما اجي اكمل اقف وافكر يا ترى ايه هيبقى رد الفعل عليه عاوزة أحس بتعبي عاوزة احس اني بعمل حاجه وبتتقدر
          	أنا مش بلومكم أبداً لإني من غير ما اعرفكم بحبكم لكن نفسي أحس اننا صحاب وأخوات في بعض مش مجرد كاتبة ومتابعين أنا بقالي اربع سنين في المجال ده وحاولت وأشتغلت على نفسي عشان أتطور وعشان اكون احسن وكتاباتي تكون فيها حياة عن الأول
          	
          	بتمنى تعتبروا كلامي ده نابع من قلب أخت ليكم مش مجرد كاتبة أنا الكتابة بالنسبالي مش مجرد هواية هي عالم حلو بهرب ليه من ضغوطات الحياة وصعوباتها حتى لو مش هيكون العالم ده وردي دايماً بس هو على الاقل منفذ ليا أتنفس منه وأفصل بيه عن الدنيا وصدقوني أنا لما بلاقي تفاعل وتقدير طاقتي بتتجدد وبحس إني عاوزة اكتب الرواية كلها في ساعه واحده✨
          	
          	لو وصلتوا لأخر الكلام ده أحب أشكركم انكم قريتوه لاخر حرف فيه وإن شاءلله ارجعلكم قريب بفصل مليان وكبير❤
          	 #زينب_طارق