عراقــــية وفصـيلة دمـها دجـلة 
بيها من الجمال الكون يحلى 
بيها من الأخلاق تربي بلدان 
تصبر عالمحن وتكول سهلة 
وبيها من الملاحة تصفن جبال
مادنكت راس لناس نذلة 
تعشك كل غيور وشارب فرات 
تربات المراجل زود اصله 
عليها عيون تجدح وكت تغتاض
وجمال الليل لو جرت الكحلة 
مثل موج البحر بيها السحر 
و باطنها عميق ومحد يحله 
من عطر الورود تجمعت الوان 
بيها ومن عسل صنعتهن النحلة 
المهرة الأصيلة تريد خيّال 
و هذا ابن الــعراق بزود لاگتـله🇮🇶🤍