₎ ᵏᵒᵏᵃ⇣✦

هلا كوتر عرفتينى انى سليمه ....  :) 

اني احلم 
          كلش احلم 
          احلم بدنيه جديده ..
          بدنيه ما بيهه تناسب لو هلال ..
          دنيه بيهه الوطن جاهل ،،!
          دنيه بيهه السنبله مفرعه عروس ..
          ونامت بحضن المناجل ..
          دنيه مابيهه الحلم يذبح وريده ..
          ولا عيون تناطر الفرحه البعيده
          ولا بنيه التحلم بكذله جديده ..
          دنيه بيهه الموتى متخاف وسعيده 
          دنيه ما يذبحوني بيهه ..
          ويحترك عمري قصيده !
          احلم بدنيه جديده ..
          بدنيه ما بيهه خليفه!
          بدنيه ما بيهه سقيفه!
          دنيه بيهه الدين ضحكه ومو وظيفه ..
          دنيه ما بيهه جوامع تنبني بروس الجهال ..
          ولا عمايم تسحك حجول الشريفه ..
          احلم بدنيه نظيفه !.

انه ضد الماله داعي ويحجي بأسم المرجعيه 
          انه ضد الوطن كله من تحكمه التبعيه 
          انه ضد الدين لمن تصلي بينه السرسريه 
          انه ضد لكل ثقافه امشي بأصل الجاهليه 
          انه ضد الثوره اصيرن من احسهه مو قضيه
          انه ضد الضاع حقه وكال عادي وما عليه 
          انه ضد الثوره كلش من تلم الكاوليه

دنيه غروب 
          وكلمن راد لبيته 
          عنده صغار تنتظره عله العتبه
          عنده حبيبه
          عله الشباج توميله
          وتطش ضحكاتها بكلبه .

ممكن رد المتابعه

ردي المتابعه من طرف سبأ ❤

نوريني بكتابي كوكايت كلبي

مشتاااقه لككاوتي  الحلوة شخبارج 

كلش احب الاشخاص الي يعتنون بنفسهم 
          يدللون نفسهم ويريحون تفسهم لانهم يعرفون انو هم الوحيدين الي حيستمرون مع انفسهم لو الكل تخله عنهم 
          لانهم يعرفون نفسهم هي العوض عن كلشي 
          لذلك يدللوها ، يونسوها ويريحوها وميحملوها اشياء اكثر من طاقتهه ..
          احب الاشخاص الي ميتركون شي الا يعرفون شنو هو وشنو طريقة التعامل ويا وشلون طريقة التعايش معا 
          احبهم لمن ميكولون هذا مو من مستوايه 
          لان ماكو مستويات الا وانت مريت بيها او حتمر بيهه
          اذا انت بالقمه ف انت مريت بالادنى يلا وصلت للقمه 
          فلتستهزء بالأشخاص الي بالادنى لانهم حيعلون مثل ماانت عليت 
          احبهم لمن يشجعون الضعيف ع القوه مو يتنمرون بضعفه 
          احب الي يفكرون بعقلهم سواء كان الموضوع يتطلب الهدوء او العصبيه او الضرب او كلشي بس هم يتركون كلشي ع صفحه ويكعدون يتعاملون بعقلهم 
          لانهم مزاجيين بأي حاله تريدهم تلكاهم 
          احبهم لمن يتقبلون الانتقادات بشخصياتهم سواء من الصغير او الكبير لانهم يعرفون هم مو احسن من غيرهم واكو احسن منهم + كل انتقاد يكدرون ياخذون منه شي عن الي دينتقدهم
          احبهم لمن يعاشرون الكل صغير وكبير وميمثلون العنصريه لان المعاشره شي كلشش كبيييير مااعتقد اكو احلا منه 
          وها لمن يعاشروهم مو علمود مصلحه هؤلاء حبب هووااايه كبير الهم 
          احبهم لمن يكون وقت فراغهم مشغول بشي اسمه مستقبل + ماضيهم وراهم 
          احبهم لمن ميهتمون للقديم ويعرفون معنى التطور والحاظر والمستقبل ويخخطوله
          +احب هذا صاحب الذوق الي كل لبسه ميكون ع المديل او باقي الناس 
          يعني بين قوسين شكله يكون مختلف عنهم يعرف يميز نفسه من بينهم وبنفس الوقت يمشي وياهم وميحسب نفسه مميز اكثر منهم كل الاحترام والتقدير لهؤلاء الاشخاص 
          احب الي قره كل هالكلام من دون مياخذ اي نضره ..☺️♥️

تعلن وزارة الحب والشؤون الغراميه عن ثبوت رؤيا الهلال وبالتالي سيكون الجمعه مصادف ١٤-٢-٢٠٢٠ هو عيد الحب 
          
          تقبل الله حبكم ورمنسياتكم وجميع اعمالكم السوده واعد الله لكم جهنم خالدين فيها ابدا ..❤️☺️