_-moom_-
يالتحب الزعل وك أنا ميت بيك
واصل مرحلة اخبالاتك أعشقها
منو اليعجبني غيرك حتى أفكر بي
_-moom_-
_-moom_-
أشعاري.li
_-moom_-
اخترعلك تهمة تسوه وعليِّ لفقها
إذا ماكو مشاكل خلق تخلقها
تذكرّ سوالف مال خمس اسنين
يمكن وحده منهن ما خذت حقها
يالتحب الزعل وك أنا ميت بيك
واصل مرحلة اخبالاتك أعشقها
منو اليعجبني غيرك حتى أفكر بي
گبلك حتى روحي مامصادقها
قصة انتَ القدر خطها ابجبيني وراح
والباقي مجرد سالفة ابمقهى
انتَ المُهم عندي والأهم والخاص
وإِنتَ الأُُمنيات الما محققها
غرگان ابمحبتك أي بعد شتريد
ومدمن علىٰ عيونك الله يرزقها
أحبك، هاك أخذها وروح دققها
الغيرك لا انگالت ولا ناطقّها
اكتبها ابورق وانطيك بيها إقرار
وأوقع بس إلك وأبصم واصدّقها
_-moom_-
إذا عقلي تعب وانمحت ذاكرته
كلها اتروّح من بالي وتظل انتَّ
وكلها اتصير ذكرى ايطولها النسيان
وانتَّ الغايب الچَنِ الصبح شفته
وانتَّ اللو رحت كلمن البيته ايروح
وانتَ المنّ تجي ايگولون أجهَ بوكته
حُبك كبرّ لكن لا عقلّ لا هادّ
مستغرب الروح شلون شايلته
ويسألوني عليك شعجب فضلّته
گلتلهم هوهَ أختنگ لو عفته
وگتلهم قدر مكتوبلّي انا أهوّاه
الله مسجلّه بسمي ابطن والدته
وگلتلهم ترهَ مو بالسهل جبته
علمودهَ البشر والدهر حاربته
بعد روحي، وبعد گلبي وبعد دگته
ونظر عيني ، وكلام هــواي ماگلّته
_-moom_-
مساحتكم.ورداتي.li
