iho_ur
هالأشياء اللي كاعد تسويها ترى جاي تضرج وما تنفعج، ما أدري عقلج وين؟ وليش لهسة ما كاعد تاكلين وتشربين علاجج؟ ترى إذا بقيتي على هالوضعية، باجر نلكاج بالنجف مدفونة! اصحي على نفسج، ترى انتِ جاي تموتين نفسج باديج حتى قبل لا توصلين للعملية.. اصحي عاد!يعني نضل على هالوضعية؟ بالكوة تاكلين لكمة لكمتين؟ مو كل يوم ينغمى عليج بالمدرسة من الضعف، وحتى حيل للدراسة ما بيج! صرتي هيكل عظمي، والحسين اني غلطانة، ترى حتى الهيكل ارحم من حالج هسة. شوفي نفسج بالمراية واصحي!حتى جسمج ما بي حيل وقوة يواجه المرض الذئبة، لا ادوية تشربين ولا أي شي.. موتيني كافي عاد لخاطر الله! ترى تفكيري صار كله خوف، أخاف أكعد بيوم وما ألكاج، وصار عندي طبيعي أتوقع بأي لحظة أسمع صاير بيج شي بسببج. وبعدين شنو هالرسالة اللي دزيتيها؟ ترى اني ما متعودة عليج هيج! وين رزان اللي ما جان يهزها ريح؟ وينج؟مو جنتِ انتِ المتحمسة للعملية وتكولين اخير عملية راح اصير زينة وتكولين'ما يصير شي لا تخافون'؟ وتكولين العندة ايمان برب العالمين كلشي ما يصير بي!! لعد هسة إيمانج وين؟ شبيج صرتي هيج وشنو هالبرود اللي صار عندج؟ تدرين راح يجي العيد وإحنا بعدنا على هالحالة؟ صارلج شهر كامل لا إحساس ولا مشاعر، ترى حتى الحيطان حست وانقهرت علينا وانتي ولا يمج!دمي محروق من وراج والحسين! شوفي أهلج.. شوفيهم زين شصاير بحالهم، خواتج، أخوج.. كلهم مكسورين ومهمومين علمودج. وأيدج اللي حركتيها.. شوفي شصاير بيها؟ شوفيها زين! لو أمج وخواتج فلا تطيب لان انتِ ما تهتمين بنفسج، هالشغلة من سابع المستحيلات تصير. انصدمت لمن خابرتيني وبكل برود تكولين 'أيدي احتركت'.. بوكتها حسيت أني اللي احترمت مو أنتِ! بعد شتريدين تسوين بنفسج أكثر من هذا؟ كافي عاد اصحي اصحي شوفي شكاعد تسوين بنفسج!!!!
