..

—

-تِگِلي الزَعَل مِنَك مَرة مِني
            شُوكِت سَامِع حَچاية مُرة مِني
            حَضن حاضِن اسهَامَك مِن رُمَني
            لأن رِيح مِن أدِيك أطَبَعَن بيَه .

-بس المُحترك يفهَم حچي
            الدُخان 
            وُيعرف حرورتة ويفهَم 
            سبب علته .

بروحك چم سمة وما غيّمت وياي 
            عليه تزخ عطش ومنشف السبعة 
            بگصايب ياحلم شديت روحك خيط 
            خيطك من يمر دخان ما گطعه 
            ثكلت بروحي جثة وما لكت جناز 
            وخيالك كمت أشوفه منين ما اضيعة 
            اليسافر للببجي يأخذ عيوني متاع 
            على جفني ولام جايه مخيطه الدمعه 
            اليفاركني شبر أبقه التفتلة سنين 
            وأتاني بيا جرح يا لجمة الترجعه ...

الهَوى يَلتم عَلي مَنين ماذكرِوك
            و أدَگ رِجلي و اظل بعَازة الخنگة
            و أغص بَريحتك ما گمت اغـَص بالزاد
            ألمفارگ النسَمة العَابرة تغرگة
            مَو بَس الصَواب، النِفس هَم كَتال 
            سهم يمشي الخريف برية الوركة
            نيتك صافية و تعرف شلون تروح 
            وتندل يا حلم من ليلك تشگه...