_NaNa_Ahmed
لسه كنت بقرأ سورة الأنعام ووقفت عند آية صعبة أوي..
بسم الله الرحمن الرحيم
فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّىٰ إِذَا فَرِحُوا بِمَا أُوتُوا أَخَذْنَاهُم بَغْتَةً فَإِذَا هُم مُّبْلِسُونَ
تعالوا نفسرها سوا وادعوا لي يا أهل الكرم
لما القوم دول أعرضوا عن أوامر الله وتناسوا ذكر الله واللي اتعلموه، ربنا فتح عليهم أبواب الرزق والنعيم واللذات من كل صنف.
وبينما هما غرقانين في الفرح والغرور واللي هو شوفتوا إحنا مش بنتقي الله بس محصلناش حاجة، جالهم العذاب فجأة وهم غير مستعدين.
النتيجة إيه؟
أصبحوا "مبلسون" يعني إيه؟
حصلت لهم صدمة: عارفين حالة الذهول والحيرة الشديدة اللي من شدتها بتخليك ساكت مش عارف تقول ولا تعمل حاجة قصاد كل حاجة خسرتها؟ أهي هي دي كانت حالتهم.
فربنا ينجينا من شر نفسنا، يا حي يا قيوم برحمتك أستغيث، أصلح لي شأني كله ولا تكلني إلى نفسي طرفة عين.
#رحلتي_للتخلق_بأخلاق_أهل_الله
