ටියුලිප් සෙවණේ මිතුරනි,
ස්තූතියි මට දැන් සනීපයි.මේ දවස් ටිකේ මගේ නිර්මාණාත්මක හිත පොඩ්ඩක් හිරවෙලා වගේ දැනුණා. ලියන්න කොච්චර ආසාව තිබුණත්, අතේ තියෙන වචන ටික එක පෙළට ගොනු කරගන්න පොඩි අපහසුවක් දැනුණා. ඒ නිසයි ටික දවසක් ඔයාලගෙන් මම ඈත් වෙලා හිටියේ.
හැබැයි මේ නිහැඬියාව මැද්දෙත් ඔයාලා මගෙන් අහපු ප්රශ්න, දිරිමත් කරපු වචන මට ලොකු ශක්තියක් වුණා. ඒ නිසා මම ලියලා තිබ්බ ශෝට් ස්ටෝරි ටිකක් පබ්ලිශ් කරා.මම මේ වෙලාවේ පොරොන්දු වෙන්නම්, මගේ නොලියූ හාදුවන්, නීලකුරින්ජි කොටසක් අද දවස ඇතුළත ඔයාලට කියවන්න ඉඩ ලබා දෙනවා කියලා.
අලුත් ඕතර් කෙනෙක් විදියට මට වගේම, ඕනෑම කෙනෙක්ගේ ජීවිතේ මෙවැනි අඩපණ වීම් ස්වාභාවිකයි. ඒත් වැදගත්ම දේ තමයි, ඒ අඩපණ වීම් මැදින් වුණත් ආයෙමත් නැගිටලා තමන්ගේ ගමන යන්න උත්සාහ කරන එක. ඔයාලත් ඔයාලගේ ජීවිතේ යම් තැනක හිරවෙලා ඉන්නවා නම්,
"පොඩ්ඩක් නවතින්න, ගැඹුරින් හුස්ම ගන්න, ඔයාට තව ගොඩක් දුර යන්න තියෙනවා, නැවත ගොඩනැඟෙන ඔයා වෙනුවෙන් වෙලාව අරගන්න."
ඕනේ කියන දේ මතක තියාගන්න.
ඉක්මනින්ම අලුත් පරිච්ඡේදවලින් හමුවෙමු!
ටියුලිප්
