ٌ

"أنا مش بطلة، ولا عايشة قصة أسطورية…
          أنا مجرد روح ماشية جنب الحياة، بتحاول تفهمها، وتضحك رغم التعب، وتحب رغم الخوف.
          في وقت كنت فاكرة إني لوحدي، لكني كنت دايمًا مع نفسي…
          وكان قلبي — رغم كل حاجة — بيقولي: كمّلي.
          كتبت الحكاية دي مش علشان أخلّد نفسي،
          لكن علشان لو في حد بيقراها وهو تايه، يعرف إن فيه نور بيبدأ من جوّه… مش من برّه.
          ودي حكاية فرحتي…
          حتى لما كانت دموعي بتنزل بصوت هادي،
          كنت بجهّز لضحكة جايه… تستاهل الانتظار."

اصعب احساس وانت بتقلب ف صورك وتلاقي صور ليك وانت رايح تحقق حلمك اللي فضلت سنين منتظر اللحظة دي  وعيونك ف كل صوره بتحكي قد ايه انت تعبت عشان توصل للحظه دي ..و دي صورتك وانت متوتر ودي صورتك وانت خايف الحلم ما يكملش وهنا عيونك تحس ان باهته وهنا وانت بتفكر انت عملت اللي عليك بجد ولا لا هنا جبروت وهنا كنت مكسور هنا وانت مش عارف ايه اللي ربنا كاتبه ليك بس انت عارف ان رب الخير لا يأتي الا بالخير 
          
          
          يمكن اكتر ايه كانت بتظهر ليا" ولسوف يعطيك ربك فترضى "فهمت وقتها أن ربنا بعت ليا اشاره أن ارضي بالنتيجة ومزعلش انت عملت اللي عليك ودي بتاعتي انا هعوضك متقلقش مش هنكر أن عيطت كتيير ودخلت ف اكتئاب ماهو حلم سنين يا جماعه مش سهل برضو يمكن اللي زعلني اكتر أن معرفتش اوصل للي انا عايزاه هي ماما نظرت الزعل ليا وقد ايه زعلت عشاني دي كسرتني اكتر من النتيجة نفسها انا كنت عايزه اوصل عشانك عشان تكوني فخوره بيا و إحساسها أنها هي اللي ظالمني مع أن ده كان اختياري أنا من الاول ده زعلني اكتر قمت من التجاربه دي وضحكت وكملت وكلمت اصحابي قدام ماما عشان ما تحسش بزعل اكتر من كدا بس للاسف كنت ممثل فاشل لان معرفتش اداري حزني 100٪ عنها بس عايزه اقولك يا ست الكل انتي وجودك جمبي اكبر ناجح ولسه قدامي فرصه أن شاء الله نعيد التجاربه دي تاني وربنا قال اسعي يا عبد وانا اسعي معاك وانا هو هكمل عشانك وعشاني عشان الفرحه اللي بجد ترجع ليكي و ما شوفش نظرت الزعل اللي ف عيونك دي تاني 

لكن مهما هشوف وهطوف،
          ومهما قابلت ناس وظروف، 
          هتبقي لوحدك القشة اللي جات علشان تنجيني...
          
          أنا في البُعد متحاوط بطيف ريحتك 
          ولسه لحد هذا الوقت فاكر شكل تسريحتك،
          وتنهيدِك ،
          وشكل الساعه على إيدك. 
          طريقتك وانتي بتغني: بعيد عنك حياتي عذاب
           حياتي ايييه ..  بعيد عنك؟!

انا مهزومه 

سَيجَمعُكِ اللهُ بِمَا دَعوت بِه قريبًا جدًا ♥️
          
          ‏﴿وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ﴾

- كيف حالك ؟ 
          
          = إذا كان هذا مجرد سؤال فأنا بخير.. أما إذا كان الامر يهمك فأنا محطم من الداخل .. الأيام ممله  .. المستقبل مجهول .. نوم غير منتظم .. جسد مرهق .. أمنيات تترتب تحت الوسائد .. والأيام تمر ولا شيء جديد 

حقيقي الواحد من غير ابوه ضايع لا عارف ياخد قرار ولا عارف هو ماشي صح ولا غلط ماشي يخبط ف الدنيا والدنيا بتخبط فيه ،كل يوم احساسي بيزيد جوايا أن بابا لو موجود ف حاجات كتير مكنتش هتحصل ،كنت هتعب اول واحد هجري عليه وترمي ف حضنه وحكيله أن تعبانه من ايه كنت هقدر اتعب من غير خوف لأن عارفه أن ليا ضهر أسند عليه بس دلوقتي تايهه لا عارف اختار ايه او امشي ازاي لو ضعفت مش هقدر اقوم عشان كده لازم اكمل وزي ما تيجي تيجي ..

بكيت
          بكاء التائه
          الذي لا يعرف أين يذهب
          وكل الأماكن لا تألفه
          حتى جدران غرفته ملّت من سماع شكواه
          أعنّي عليّ 
          على ضعفي وقلة صبري
          وضيق نفسي وطاقتي
          والدنيا

آنا محبتكيش من اول مره شوفتك فيها .. كل الحكاية ان البنت اللي حبيتها فى خيالى أتحولت الى حقيقة ، فأنا بحبك من زمان جدا !
          -عارفة ..
          أنتي بالنسبة ليا مكان بيطل ع البحر و شغال فيه المزيكا اللى بحبها .. يوم م احب اهرب من العالم كله هستخبى فيكي ❤️ .
          خايف ابطل اكتب عنك لأي سبب .. مجرد الكتابة بتبسطني والله
          بتخيلك بتقراي كل كلمة .. فببتسم واكمل واكتب ، عمري ماكنت مبسوط زي الفترة دي، المراقبة في صمت ممتعة جدا الحقيقة ..
          يعني انا عرفت كمية تفاصيل صغيرة عنك .. لو حصل نصيب وأتكلمنا هتتفاجئ لو حكيتلك والله ، ع قد ماهيا حاجات صغيرة جدا ع قد ما مهمة بالنسبالي .. يعني مثلا انتي بتخافي من القطط .. ولم بتعدي الطريق بتعدي وانتي خايفة .. بتحبي تمشي مع صاحبتك الانتيم اللي ضحكتها هتجبلك بوليس الاداب قريب دي وانتي ع اليمين علشان تمسكي فيها من النحية دي .. بتحبي البيبسي جدا .. ودايما في السوبر ماركت مش بتحبي تاخدي الباقي .. بتكرهي الفكة تقريبا .. لم بتشوفي حد غلبان في الشارع عينيكي بيبقي فيها لمعة حزن وقهرة عليه .. علي العكس لم بتضحكي من قلبك عينيكي بتشع حلاوة وأمل لكل اللي موجودين جمبك ساعتها .. وكمان عارف انك لم بتقفي بتمسكي بأيدك اليمين دراعك الشمال .. بحسك موديل ساعتها ، وحقيقي ببقي نفسي اروح اعاكسك بس للأسف معنديش الاوبشن دة اول مرة ازعل اني مش بعرف اعاكس .. انتي لازم تتعاكسي أقسم بالله : بصي أنا عايز احبِّك واخطُبِك، واعاكسِك، واطلع فوق المواسير لغاية شبّاك اوضتِك، واقع في حبك من جديد  .!
          
          مبطلتيش اراقبك على فكره
          وبحاول اجمع تفاصيل 
          هزارك معا صحابك وسهرك لنص الليل 
          وبخوش كل يوم  بروفيلك أدور على حياه لقتيل 

‏وفجأة ترى أنّك بالفعل إستهلكت نفسك كُليًا؛ تكلمت كثيرًا، شرحت أكثر، بررت بما يكفي.. ثم تأتي عليك لحظة وترى أن طاقتك قد نفذت، فَتتوقف عن الكلام وتبتعد عن الناس، وتذهب لأقرب ملاذ لك وتجلس مُكتفياً بنفسك.