fatmakhallaf

كلام أرديته رداء القسوة ليخاطب نفوسنا الأمارة بالسوء علّها تتعظ!.. 
          	ليه يا أختي الحزام اللي فوق البلوزة دا لازمته اي ؟؟
          	 البلوزة مش ضيقة كفاية عشان تحدد وسطك وتبين جسمك ف محتاجين حزام عشان يقوم بالدور دا ؟ هو احنا ف سباق كل اما تبين اكتر كل اما تكسب اكتر ؟؟ ليه يا حبيبة قلبي بعد ما ربنا أنعم عليكي ب ترك بناطيل ولبس فساتين نلاقي الحزام الجلد اللي مش نفسي غير امسكه اخنق اللي صنعه بيه ..حزام لزج حزام مش عايز غير يتحرق اقسم بالله ..بيحدد الجسم بصورة غريبة ..
          	 المشكلة مش فيه مهو جاي من عند كفرة فجرة وليس بعد الكفر ذنب المشكلة ف اللي بتجيبه وتلبسه فوق الهدوم ..هو في اي؟؟ هما سلبوا مننا الحياء ف ثواني كدا ازاي وامتي واحنا مش واخدين بالنا؟ فستان اي اللي شكله وحش من غيره او البلوزه واسعه من غيره .. يعني يبقا شكلك وحش ولا شلك مكشوف ومتفصل .. تبقا
          	البلوزه واسعه ولا تمشي في الشارع بمنظر يعني مينفعش امام ابيكي وأخواتك الولاد حتي ؟.
          	
          	 معلش معلش اصل الدعوة مش كلها ترغيب ومش كلها كلام معسول .. في اوقات لازم يسمع
          	كلام يفوقنا ، اوقات لازم نسمع كلام يخلينا نلبس نضاره تورینا حقيقة ما نصنع، تورينا احنا بنودي
          	نفسنا لفين ...
          	 يا جماعة اعرفوا ربنا عشان تحبوه عشان لوحېتوه والله هيهون عليكو اي امر بل هتتفننوا في طاعته اصلا انما لو عرفت الأمر دون الآمر ف انت غظب عنك هتتفنن في التفلت من الأمر !! ودا طبيعي لأنك مش عارفه هتحبه ازاي .. 
          	وهتتسأل ع عدم سعيك لحبه لانه مفتاح التسليم وان كان يجب التسليم حتي لو لم تصل للدرجة دي لسه ... 
          	{كذلك كنتم من قبل فمنّ الله عليكم }.. طبعا الفضل والحمدلله وحده ونسأل الله العافية والثبات .. 
          	بس فعلا انا حريصه اني انقللكو كلام انا كنت محتاجه اسمعه قبل كدا انا لا اريد سوا ان كلنا نبقا مصلحين مش صالحين ف مش قصدي ابدا ولا بقا حدة ولا تكبر ولا استحقار ولا شوية الظنون اللي الشيطان يخليكي تسيبي القضية الأهم والمهمة ويقعد يدس لكي السموم والظنون السيئة ..
          	
          	 اطلبوا من ربنا الهداية في كل ركعة ارجوكوا الهداية والثبات .. ليه بننسي ندعي بالهداية؟مفيش حد بيوصل لدرجة ف يقول ساعتها انا خلاص وصلت او اهتديت ف مش محتاج ادعي الدعاء د تاني .. احنا لولا هدي الله في كل خطوة نهلك !
          	يارب ارزقنا الحياء والستر يارب عافنا واعف عنا ولا تقبضنا الا وانت راضٍ عنّا يارب اللهم لباسا يرضيك يا كريم