- المبسم اللي عليه من الطرف شامه
ياويل تسبدي عليه وزين منطوقه
​لبيه يا أجمل بنات الناس سلهامه
لبيه ياللي من الابداع مخلوقه
​جمالك اللي تموت الناس قدامه
أحيا قصيدي ونبض القلب وعروقه
​وأبوك يسعد ابوك ويسعد أيامه
اختار أمك وجابك ، يا حلو ذوقه
​يفداك شاعر كتب لك أجمل إلهامه
وفدوه لو تضيع بين العالم حقوقه
​من عام ٢٠١٠ واجمل أيامه
ولليوم يردد كلامه من كثر شوقه
​المبسم اللي عليه من الطرف شامه
ياويل تسبدي عليه وزين منطوقه !