kara_katarina

السلام عليكم ورحمة الله وبركاته.مانعرفكش بصح شفتك في منصة ريتا، فأولًا ألف مبروك على نجاحك في الباك، والعاقبة لنجاحات أكبر إن شاء الله، وأسأل الله أن يوفقك ويبارك لك في مشوارك القادم.
          
          ثانيًا، شفت بلي النقطة تاعك ماعجبتكش، وحبيت نقولك حاجة: كل حاجة كتبها ربي لينا فيها خير، حتى لو ما شفناش هذا الخير في البداية. و الله تعالى قال: ﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لَا تَعْلَمُونَ﴾ [البقرة: 216].
          نتي ضوك راكي تشوفي بلي معدلك ناقص على واش كنت حابة، بصح ما تدري، يمكن التخصص لي راح تدخليه بهذا المعدل هو التخصص لي فيه الخير ليك في دينك ودنياك.
          أنا كي جبت الباك، التخصص لي قريتو في الجامعة كنت كارهاتو بزاف، وصراحة حتى الآن ماقدرتش نحبو. بصح كي نرجع نشوف، نلقى بلي لو ما قدرليش ربي ندخل لهذا التخصص، ما كنتش رح نكون الإنسانة لي راني عليها اليوم، وما كنتش رح نتعرف على أفضل ناس وأفضل صحبة صالحة لي كان عندها بعد فضل الله سبحانه وتعالى دور كبير في توبتي واستقامتي.
          
          ورسول الله ﷺ قال: «عجبًا لأمر المؤمن، إن أمره كله له خير، وليس ذلك لأحد إلا للمؤمن؛ إن أصابته سراء شكر فكان خيرًا له، وإن أصابته ضراء صبر فكان خيرًا له».
          
          لي حبيت نقولهولك هو أنو كل شيء كتبه ربي لينا فيه خير، وحنا بعلمنا المحدود ونظرتنا للحاضر فقط مرات نزعلو ونحبطو، لأننا ما نعرفوش واش مخبي لينا المستقبل. أما الله سبحانه فهو عالم الغيب والشهادة، وهو أرحم بنا من أنفسنا، ولا يضيع من توكل عليه، ولا يخيب من أحسن الظن به.
          يمكن المعدل لي راكي زعفانة عليه اليوم يكون هو السبب في خير كبير راح تشوفيه بعد سنوات، ووقتها رح تقولي: الحمد لله أن ربي اختارلي هذا الطريق.
          فأحسني الظن بالله، وأكثري من الدعاء والاستخارة، وارضَي بقضاء الله، فإن الله يقول في الحديث القدسي: «أنا عند ظن عبدي بي».وماتخليش معدلك يأثر على سعادتك لأنو قبل شهور كنتي متمنية تجيبيه والحمدلله ربي استجابلك لي طلبتيه فاستغلي اللحظة وفرحتك وخلي الباقي على ربي سبحانه 
          
          مبروك مرة أخرى، وأسأل الله أن يفتح لك أبواب الخير، وييسر لك ما فيه صلاح دينك ودنياك، ويختار لك الخير حيث كان ثم يرضيك به.والسلام عليكم ورحمة الله وبركاته.

_missedcall_

@kara_katarina يعطيك الصحة وربي يبارك فيك حرفيا هدرتك قعدت في مخي نهار قاع و ريحتني بزاف وبدلت نظرتي للمعدل يعطيك الف صحة ان شاء الله  وشكرا بزاف نخلي ميساجك  نقراه كلما تضيق بيا والاجر ليك ان شاء الله
• Reply

Alixandrica

ريتا واش بيها

_missedcall_

@Lavictorya طبعا ...يبلغ ان شاء الله
• Reply

Alixandrica

@_missedcall_  
            
            اوك ربي يعاونها بلغيها سلامي ان التقيتها
• Reply

_missedcall_

@Lavictorya والله مام انا حرت علاه راهي تغيب بصح نضن انو راهي مشغولة
• Reply