Nat 🌟

@lostinmyskull 
            
            أنا بعرفه من فترة بس قلة الوقت ما خلتني أستكشفه كويس، بس حبيته كتير كتير للتخطيط. ممتع!

@ smoltruth  الظلم :)

@Alaqeela_II هههههههه على نهاية السنة ع الاغلب

@_nataly_story جزيت خيرا يا ناتالي و الله.. أشكرك على المجهود الي حطيتيه في اسطرك هذه.. و لو كتبت رواية بتكوني غصن لا بل فرع منها ♡︎

@_Misk_ 
            
            الجواب مكتوب في التعليق اللي فوق، بتمنى يكون مفيد ❤.

@Alaqeela_II 
            
            شوفي، الصراحة موضوع التخطيط شيء يطول الحديث فيه
            غالبًا أحب أخطط بالورقة والقلم
            أكتب قائمة بالأحداث اللي بدي أحطها في القصة، ممكن أحداث أنا حابتها، وأحداث أظن إني بحاجتها لأسباب أو لأخرى.
            ماضي الشخصيات مثلًا حطيه على جنب، لأنه مو محور الحديث.
            التخطيط فيه مسح وكتابة كتير واللي بيقول إنه بيعرف يخطط من أول مرة من دون أي تعديلات مستقبلية بيكون عم يكذب عليك.
            إنك تضيفي شخصيات لقدام طبيعي، وطبيعي تحسي إن الدنيا انعفست بسبب زيادتها، لأن أنتِ ضفتي إنسان كامل فحتى تكون شخصية مبنية كويس ولها عمق وأبعاد ضروري يكون لها أثر على كل ما مضى  وكل ما سيأتي.
            
            موضوع النسيان هاد يعود عليك، أنتِ لازم تحفظي شخصياتك وقصتك، إذا أنتِ ما حفظتيهم كيف بتتوقعي الناس تحفظهم؟ أنا حافظة الكل -ايموجي يضحك- 
            
            بس خليني أنبهك على فكرة معينة، الإنسان أحيانًا كتيرة بيقع في فخ الزيادة المبالغ فيها. حاولي تعيدي تدوير الشخصيات في الأماكن المختلفة واللي ممكن شخصية جانبية تتولى المهمة فيها. مو كل شخصية في القصة لازم لها اسم ووصف يكفيها الاسم لو تكرررت في المكان نفسه، وطبيعي تنسي أسماء شخصيات جانبية،  أنا عاملة ملف براجع منه وبدوِّن فيه مختصر عن كل ما دار في كل فصل من فصول الرواية، لما الواحد يكتب رواية طويلة ومعقدة لازم يكون صبور شوي، قصة متل شطرٌ من نور مو متعبة وتخطيطها ما أخذ شي، لكن نسيان؟ سنتين لوحدهم من التخطيط وكتابة المسودات الأولى، وكان في أجزاء تركتها فاضية عأساس لما أوصل أضيفها وأحكيها، للآن أنا بخطط في نسيان رغم إنه أنا عندي مسودات أصلية ونهاية مرسومة، وذلك لأني من الكتابة الأولى ما كنت مُلِمة بكل شيء. 
            
            أما لسؤالك عن النهايات، فغالبًا بكون مقررة هل الشخصيات حتعيش ولا تموت فقط، كيفية وشكل النهاية بتركه يتدفق على مهله مع كتابتي المستمرة للقصة. الكتابة الأولى للقصة متعبة جدًا، الموضوع مو سهل علي أبدًا لكن أنا اللي ما حكيت لكم وقت كنت بكتب نسيان فلا تتخيلي إني بكون مستمتعة بهذا الجزء، فطبييعي تحسي باللخبطة، بس الأهم فعليًا إنك تكملي كل ما كملتِ كل ما زبطتيها أكتر، ولا مانع طبعًا إنك تستشيري شخص معك وتتناقشوا سوا، هاد الأسلوب بيساعد كتير وبيشجع.
            
            حسيت حالي ثرثرت كتيير فسامحيني وبتمنى أكون أفدتك ولو شوي ❤.

@NourGhanem8
            
            حبيتي راين؟ XD! ما توقعت ينحب لهي الدرجة XD
            بس من ناحية الموضوع كبير، فالموضوع كبير وحيكبر 3:
            تسلمي لي يا قلبي الله يسعدك ❤️❤️ وأنا كمان ب وجودكم وكلامكم ❤️. 

@_nataly_story اه وبالمناسبة الرغي ،رغيي وقت ما تحبي احنا ما بنصدق نلاقيكي كاتبة هنا اي حاجه وبنحب وجودك و كلامك وكتاباتك جدا❤️

الله يعينك علي كتابة الملخصات دي (๑❛ᴗ❛๑) بالتوفيق ❤️(◕‿↼) لأن الملخصات دي بعد كل اللي صار وصار وصار لأ محتاحين ملخص عشان الموضوعة بقي كبير ، اقولك سر انا حبيت راين جدا ومش عاوزاه يخلص وخايفة من الفصل القادم جدا ،لذا خدي وقتك وراحتك علي الاخر XD ( o˘◡˘o)

@ola1000001 
            
            مرحبًا (؛
            لسة باقي لها كتير؟ لأ، تقريبًا 30-35 فصل
            لكن الأمر كله معتمد على سرعتي اللي هي بطيئة من سنتين بسبب عوامل خارجية كتيرة :")
            بس الجانب الإيجابي تخرجت ولذلك نظريًا خلصنا من أحد العوامل XD
            
            أما عن تصنيفها فهي بتحكي عن المراهقين والثانوية، نفسية وعاطفية، فيها رشة خيال لكنهُ ليس الجانب الأساسي (ليست مخلوقات خيالية، عالم خيالي) وبتتناول قصص شخصيات مختلفة وعلاقاتهم مع بعضهم، بتبدأ القصة ببطء وبتتصاعد، صح! كنت حأنسى، الكثير والكثيييير من الغموض :)
            وبس، نهارك سعيد ❤.

@SIRAN_00
            
            حاولت أستجمع خلايا مخي لارد، سامحيني تأخرت ليك ;)
            عادةً بتذكر الناس من اسمهم أو صورة بروفايلهم بس هي المرة فشلت، سامحيني للمرة الثانية :(
            
            حسيت بكل مشاعرك لأنها كانت مشاعري اللي بتغمرني من وقت للثاني أنا كمان! البؤس يجعلنا ننسى من نحن، والتصرف السليم هو أن نعود لكل ما يذكرنا أنفسنا 3>
            
            مشاعرك تجاه هذه القصة تثلج صدري ويسعدني أن أعرف أنها كانت رفيقةً لأحدٍ كما كانت رفيقتي ❤️.
            لكن اليوم الذي قد تتمكنين فيه من قراءتها قد يأتي، والأمل أقوى أسلحة الإنسان ❤️.
            
            ستظل هذه القصص هنا، كالمنارةِ على الشاطئ، تُطمئن السفن التائهة وتُرشِدها إلى اليابسة ❤️.
            
            أيامي، آهٍ من أيامي :')
            يتقلب المرء في نعم الله ولكنه من قصر بصره يتذمر، وأنا أعني نفسي طبعًا، إنني بأحسن حالٍ ولله الحمد، لكن لا يمكنني أن أنكر أن الأيام تمر ثقالًا على قلبي بسبب المستقبل المجهول، وبسبب إرهاقي العام، وأتساءل، متى تحط رحالي وأهدأ.
            
            إنها تشبه فصول نسيان فعلًا، كما يتحدث دورِن لويلما عن أيام صباهما ويبتسمان نهاية ذلك الحديث وقد غمرهما دفء الذكرى ❤️.
            
            دعواتي القلبية لكِ بالتوفيق والراحة والسعادة، يومًا سعيدًا لكِ أينما كنتِ ❤️.