﷽

٢٠/٢/٢٠٠١
          بس التاريخ مميز كُلش
          ثالث يوم رمضان ويوم جمعة 

٢٠٢٦/٢/١٢ 
          سنة ثانية كلية تمريض واخيرًا طلعت إجازتي الدراسية بعد سنة من التعب والركض مابين الدوام والدراسة بس الحمدلله دائمًا عوض الله يجي بوكته المناسب بالوكت الي لازم فعلاً يصير ، اكتشفت كُل سنة ادخلها لازم شيء بحياتي ميدخل وياها كُل سنة اعوف شيء وراي بس الحمدلله انو بنهاية كُل هالسنوات ماعفت نفسي واختاريتها بكُل موقف  دا اصير انتقائية كُلش هواي وما اقبل شيء واحد ع نفسي يقلل منها 
          والحمدلله على كُلشي صار وحيصير وديصير 
          

16/6/2025
          
          بديت أبتعد عن البداية الي بديتها ، ابتعادي عن المسار يدل على المسافة الي قطعتها بفضل الله وبفضل هواي شغلات ان شاء الله بداية هالمسيرة والمشوار يكون مثمر وأني أكتب دا استذكر البداية والصعوبات الي واجهتها نفسيًا وجسديًا مستمرة اواجه هلشي بس يارب هذا كُله ميضيع أعتقد انو الأصعب من السعي نفسه هو انو تعرف هذا سعيك مو بمحله ف يارب كُل الخطوات الي اخطيها تكون بمحلها ، وبهذا اليوم الحلو هم جابت زنيبه صاحبة عمري بعد ما مريت وياها بهواي مواقف شعور انو اشوف انو هيه كبرت واني كبرت والأمور بدت تأخذ منحنى جدي شيء كُلش حلو صراحة دا اكتب هذي المذكرة وأني استرجع كُلشي من بداية السنة لحد هاليوم بس ليش دا احس هاي نهاية السنة! 

ابديت بعد مدة طويلة ..
          الحمدلله مقدمًا على كُلشي صار وكُلشي مصار 
          رسميًا بدينه بمرحلة جديدة ويارب خير ما كانت من مراحل

لا يزال الإنسان يحس بالضياع بين فترة والثانية 
          
          رَواء إسماعيل

تفوتني مشاهدة العالم بطريقة عاديّة، لطالما
           بحثت عن الجوانبِ الشاعريّة في كلّ الاشياء

how do you just get up and deal with the 
          fact that there’s a last time for 
          everything. there was a last time you sat 
          on your dads shoulders and there was a 
          last time your mom tucked you into bed. 
          there’s going to be a last time you kiss 
          your sister on the head and there’s going 
          to be a last time you hug your best friend. 
          there’s going to be a last time you feel 
          exactly as you feel right now and there’s 
          going to be a last time that person says i 
          love you. i need to lay down

لأول مرة أهتم بالتاريخ لهذا راح ادونه ٢/١٢/٢٠٢٣
          
          _ اك ماعرف منين ابدي لكن قبل كُلشي أني راضية ولله الحمد راضية وأن كان كلامي وشعوري عكس هذا الشيء لكن انطقها وانا متأكدة انُ فعلًا رضيت ، رضيت على الي وصلتله وعلى الي أني بي ، حاولت جاهدة اكون الممرضة الي وعدت نفسي اكونها وكُنت ، شعوووور مُرضي ومبهج انُ أنت تدخل مستشفى ويستقبلك المرضى بحضن شعور مُرضييي لمن تجيني مريضة من نهاية الممر فاتحة ايدها وجايه صوبي تريد تحضني ياليل المشاعر الحلوة هاي والله ، حتخلص هذي السنة وحصيلتها چانت شخصين فقط من بين قائمة طويلة عريضة شخصين من أحب الناس ع قلبي ، شخصين أتمنى الهم الخير مثل ما اتمناه لروحي 
          يارب تخلص وتعدي كُل السنين وإني باقية اطلع بيهم كحصيلة حقيقية فعلية ، أعتقد الرحلة تكون اسهل من تكتفي بأشخاص محددين حقيقيين الرحلة تكون اريح واهدأ هم ، الإنسان حيفضل يحس بالراحة والاستقرار من يستقر بعلاقاته ومن يحدد مصيرها 
          
          ح اضل احاول أسعى لوين !!
          
          للاستقرار والراحة طبعًا 

الحمدلله حتى يبلغ الحمدُ منتهاه ..

رواء دائمًا حبي أمراض الدم ولا تكرهيها رواء لا تسمعين حجي الناس محد نظرته مثلج ولا فكرته مثلج أعرف تمر فترة الإنسان يتأثر بالحجي رواء لا تسمعيهم حاربي لأجل القسم لحبيتي مو كلها تحب امراض الدم مو كلها مثلج 
          انتِ غير عنهم 
          لمن تسمعين دعوة مريض حيهون عليج التعب
          لمن تحضنج مريضة حتهون عليج كُل طاقة فقدتيها
          
          صيري قوية علمودهم!! حرفيًا أنتِ دتجاهدين! اني كتلج وارجع اكلج جهاد النفس اعظم جهاد جاهدي روحج ولا تسمعين كلام الناس
          
          حبي أمراض الدم لآخر يوم بعمرج ودافعي عن قسمج لاخر يوم بعمرج وان كان كل الي حواليج يكرهوا
          
          
          أنتِ حتبقين رواء لتحب أمراض الدم وحتبدع بي! حتضلين رواء لحبته من كُل كلبها الله يمدج بالصبر والقوة يارب
          
          الله دائمًا حيكون وياج وأن كان الكل ضدج وهذا هم المهم.
          
          
          وأنتِ قوية والله حتلو بچيتي .
          
          تذكري هالشي
          
          6/10/2022