☕

ليش احَس بفراغ رغم صَلاتِي  ؟
          
          انِي اصلي واصوم ، واقرا ادعيهَ بس لسهَ احس اكو شي ناقص أحياناً احس گلبي مامرتاح واحس بفراغ مايتملي حتى ويا العبادهَ مع انو متقرب للّٰه وصَلاتِي بوقتها بس حتى بحَياتي مامرتاح ليش  ؟
          
          مو لأن الصلاهَ ماتنفع .
          بس لان احنا نؤديها احياناً كـ روتين فقط بدون روح نگوم ، نكبر ، نركع ، نسجد ، لكن گلبنهَ مو ويانهَ العقل مشغول بالدَنيا وكلشي يشتغل بَس الگلب نايِم لهذا ماتحسون بلذهَ الصلاهَ ماتخشعون بصَلاتكـم حتى تخلصون بسرعهَ بدون ماتحسون تصلوها بس كـ روتين والبعض يصليها بَس لان خَايف من جهنم مايصليها بحُب وخشوع  !
          
          الامَام عَلي عليه السَلام يقول :
          ما قيمهَ صلاهَ لايُستجاب بها الدُعاء ولا ينهى بها هم الفحشاء والمنكَر ؟ لان الصلاهَ مو بَس حركات الصلاهَ لازم تكون بيها خشوع وتروض النفَس ، تكون تربطنا برَب العَالمين فعلاً ، الصلاهَ بيها سر عَجيب اذا صليتها بكل مشاعرك راح تشوف شَلون كل ألم يهدئ وكل ضيق بصدرك يتنفس ، حتى لو ماتغير شي بحياتك لان الشي الي يتغير هوَ انتَ  !
          
          أسأل نفسَك :
          هل صَلاتِي تنهاني عن الظلَم ؟
          هل احَس براحهَ بعدها ؟
          هل اشتاق الهَا ؟
          اذا چان الجواب لا فـ ابدا من جَديد
           بس هالمرهَ من كل گلبك !
          

شَلون غيِرت حَياتِي الصلاهَ الابراهيميهَ  !
          ఌ︎.
          چانت زَينَب بنيهَ شابه بسيطهَ تحب اهل البَيت
           عليهـم السَلام حباً خالصاً من صغرها چانت
           تَسمع جدتها تحچي عن الصلاهَ الابراهيميهَ مو
           مجَرد كلمات هيَ جسر من النَور يوصل للقَلب
           إلى مُحَمد وآل مُحَمد ، فـ يوم من الايام مرت
           زَينَب بمرحله صعبهَ بحياتها هموم ، ضيق ،
           شعور بالوحدهَ گعدت بغرفتها تبچي وبين
           دموعها تذكرت كلام جدتها : اذا ضاق صدَرك
           اكثر من الصلاهَ على مُحَمد وآل مُحَمد فـ هيَ
           مفتاح الفرج  !
          ఌ︎.
          رفعت زَينَب ايديها وگالت اللهم صل على مُحَمد
           وآل مُحَمد كما صليت عَلى ابراهيم وعَلى ال
           ابراهيم انك حميد مجيد وبارك عَلى مُحَمد
           وآل مُحَمد كما باركت على ابراهيم وعلى ال
           ابراهيم انك حميد مجيد ، 
          ماكتفت ترددها مرهَ او مرتين لا گعدت ترددها
           عشرات المَرات وهيَ تدعي ومَرت الايام وبدت
           تحس أن قلبها صَار اهدأ رزقها رَب العَالمين
           بفرص ماتخطر عَلى بالهـا ومشاكلها صَارت
           تنحل الحمد للّٰه والشكر  !
          ఌ︎.
          وصَارت تنصح صديقاتها وكل وَاحد تعرفهَ
           بالصلاهَ الابراهيميهَ ومَن ذاك اليوم زَينَب
           ماتركتها بكل حالاتها فَرح او حَزن وحتى قبل
           النوم ترددها سَر مَن اسَرار استجابهَ الدُعاء ،
           اجعلوا الصلاهَ الابراهيميهَ عادهَ يوميه ربما
           تكون مفتاح فرجكم وسبب نور قلبكـم
          وطريقكـم لرضا اهل البَيت عليهـم السَلام  .

ارجوا قراءة زيارة عَاشُوراء واهدائها لِمولانا أبا عبد الله الحُسَين  واخيهِ ابا الفضلِ "عليهُا السَّلامُ" 

الشيعهَ قريباً : ⇣.
          شَلون نتجَهز لشَهر مُحَرم الحَرام  ؟
          ╰┈➴  
          ١ . تصفيهَ القلب من الدَنيا .
          قبل لا يدخل شَهر مُحَرم الحَرام لازم نرجع
           شويَ خطوهَ لورا ونسأل نفسنا وين احنا
           رايحين وشنوَ علاقتنا بالامَام الحُسَين عليه
           السَلام ؟ هاي مو بَس ذكرى نعيشها بالدموع
           هايَ مدرسهَ كاملهَ ، فـ تصفيهَ القلب يعني
           نبتعد عن المعاصي والذنَوب ونقلل من
           الانشغال بالدَنيا ونفتح صفحهَ جديده ويا
           رَب العَالمين حتى ندخل مُحَرم وقلبنا نقَي
           ومستعد يسمع نداء : الا مَن ناصر ينَصُرُنِي
           ⋆ ؟
          ╰┈➴  
          ٢ . تهيئهَ البَيت حُسينياً .
          البَيت الشيعي يلبس السواد قبل ليلهَ 
          واحد مُحَرم ونعلق السواد ونجهَز الرايات
           ونخلق جو يربي اطفالنا على حُب اهل
           البَيت عليهـم السَلام ، هذا التحضير
           الظاهري مُهَم لانُ يخلق حالهَ من الارتباط
           والانتماء الاطفال من يشوفون امهم او
           ابوهم يغيرون من شكَل البَيت يفهمون انُ
           احنا داخلين عَ ايام عظيمهَ ومقدسهَ ☼︎ .
          ╰┈➴  
          ٣ . تنظيم الوقت للبرامج العزائيهَ .
          بمجرد ما يدخل الشَهر تبدا المجالس
           الحُسينيهَ بالمنطقهَ ، بالحُسينيهَ او حتى 
          عَ برامج التواصل فـ نحتاج ننظم وقتنا
           مثل ما نظم حياتنا للدوام او الدراسهَ 
          نحتاج ننظمها للعزاء ونعيش هاي الايَام ،
           ولاتنسون تقرون كُتب ، او تستمعون
           لخطباء معروفين لان كل كلمهَ عن
           الحَُسِين هيَ نور الطَريق الصَح ❀ .
          ╰┈➴  
          ٥ . التفكَر بالقضيهَ الحُسينيهَ .
          لازم نفهم ثورهَ الحُسَين مو بس ضد يزيد
           انما ضد كل ظالم ، فاسد ، تزييف ، فـ لذلك
           نحتاج نقرا كُتب وللخطباء والمراجع ونفهم
           من تعرفون الحُسَين عليه السَلام ع شنوَ
           استشهد راح تعرفون شَلون تكونون من
           انصار الحُسَين بهالزمن ، فـ ضروري تعرفون
           وتقرون ⋆ .

صَاحب الزمَان لا يغيب عنا .
           نحُن الذين نغَيب عن شروط اللقاءِ ♡» .
          
          4 أشياء لو طبقتها تصير اقرب  للامام 
           المَهدي عجل اللّٰه فرجهَ الشريف  .
          ˚ ࣪˖ ִֶָ
          1 . اترك الغيبهَ واذكر الغائب .
          الغيبهَ حالياً للأسف صار شي عادي بگعداتنا
           وتجمعاتنا ويكون ماعدنهَ شي نحچي بيه
           غير عن فلان وفلان ، بَس تخيل وياي لو
           بكَل مرهَ تسكت عن غيبهَ او توگف شَخص
           يغتاب انتَ تجهز قلبك للقاء الامَام المُنتظر ،
           ليش ؟ لأنُ الغيبهَ تظلم والامَام المَهدي قائم
           بالعدل مايحب الظلم لا بالكلام ولا بالفعل 
          فـ انتبه  .
          ˚ ࣪˖ ִֶָ
          2 . سَاعد احد بدون مايكَول الك . 
          مَرات تشوف احد محتاج بس مايحچي مثلاً
           صَديق ضايج ، جار يطلب بس بعينهَ ، اخ
           بالبيت تعبان نفسياً من تمد ايدك وتساعدهَ
           بدون مايطلب منك انتَ هَنا تتخلق باخلاق
           الامَام لأنُ الامَام المَهدي المُنتظر يحب الي
           يحَس بالناس والي قلبهَ حَي ويفكر فـ خلي
           كل مساعدهَ خفيه منك تكون رسالهَ ولاء
           والمساعدهَ حلوا بكَلشي  .
          ˚ ࣪˖ ִֶָ
          3 . اقرا دُعاء الفرج بنيهَ العَمل .
          هوايَ نقرا دُعاء الفرج بس مرات نقراه
           بس ماننتبهَ ولا نتأمل كلماتهَ بدون تأمل 
          ولا احساس لكن لو تقراهَ بتمعن وتشوف
           نفسك وتقصيرك فكر الامَام يريد انصار
           جاهزين مو منتظرين جاهزين باخلاقهم
           بوعيهم بحضورهم ، بكلشي من تقراه فكر
           وكَول اني شنوَ سويت اليوم حتى اكون من
           المنتظرين الحقيقيين  ؟
          ˚ ࣪˖ ִֶָ
          4 . ارحم اهلك ، بكلمهَ طيبهَ .
          الكلمهَ الطيبهَ الوالدتك ، الصبر ع اولادكم ،
           احترام زوجتك او زوجج ، او الاخوان ، هاي
           كَلها عبادهَ واكثر من عبادهَ اذا چانت بنيهَ
           التقرب للامَام فـ احترامك البيتك وصبركم
           هاي كَلها تأجرون عليهَا والكلمهَ الطيبهَ
           صدقهَ سمعوا اهلكم كلمهَ حلوا شي حَلو
           صدكَوني وتفرح قَلب صَاحب الزمَان  .
          ˚ ࣪˖ ִֶָ
          الامَام المَهدي المُنتظر عجل اللّٰه فرجهَ ،
           يدور ناس صادقين وناس يحاولون فعلاً
           ويجاهدون هاي الدَنيا ويعيشون يومهم
           وهما يكَولون هل فعلاً نشتاق لكَ يا ابن
           الحَسن لو بَس كلام ♕ ؟

قَال : الأمَام عَلي عليه السَلام
           الصَديق مرآهَ يُريك حسناتك 
          وسيئاتك فَمن هُو مرآتكَ  ؟
          
          
          الصداقهَ الصالحهَ تُصلح . 
          ✮⋆˙
          الصداقهَ الصالحهَ هيَ من اعظم النَعم الي
           يمَن اللّٰه بيها ع الإنسان شكَد الها من أثر
           بتهذيب النفس ، وتثبيت الايمان مـهم 
          تختارون الصَديق الصالِح لأن ممكن هوَ 
          يكون من وسائل التقرب للّٰه عز وجل ،
           الصَديق الصالِح معناها اذا غبت انتَ
           يصونك واذا احتاجيت له اعانكَ ويقربك
           للّٰه واهل البَيت عليهـم السَلام وينصحك
           وينبهك عَ اخطائك يعينك عَ الطاعهَ 
          ويبعدك عن المعصيهَ ☀️ .
          ✮⋆˙
          الصداقهَ يحتاجها الإنسان بحياتهَ لان
           الإنسان بطبعه اجتماعي ونحب نشارك
           ونحچي ويكون عندنا صَديق لان مايكَدر
           يعيش وحيد بدون سَند او رفيق لكن مو
           كل الصداقات صحيحهَ فـ لازم تختارون
           الصَديق الصالِح فعلاً مو بس حچي
           ومصالح وتقضيهَ وقت ، وميهم شكَد
           يكون عندك صداقات ممكن يكون عندك
           صَديق واحد بس يعادل الدنيا كلها ☀️ .
          ✮⋆˙
          دائماً تشوفوني احچي عن الصداقهَ
           وانبهكم لأن فعلاً الصَاحب سَاحب 
          صدكَوني فـ نحرص نختار رفيقنا صَح
           ونترك الصحبهَ السيئهَ مو تشوفهَ يبعدك
           عن رَب العَالمين وتچلب بيه لان ماعندك
           غيرهَ ! عادي مو نهايهَ العالم ان شاء اللّٰه
           تلگون الصَديق الصَح الصحبهَ حلوا بس
           من تكون ويا الشَخص الصَح فـ اختاروا
           بحياتكم اشَخاص صَح حتى تعيشون صَح ☀️. 
          

"كيف نُقّوي علاقتنا بالإمام المهدي"روحِي فداه"!
          
          أولاً المعرفة الصادقة"
          "عندما نعرف، نُحب. يُمكن القول أن الحُب على قدر المعرفة. وبالتالي يجب تحصيل وتوسيع معرفتنا بإمامنا، لنزداد حُبًا له وتعلقًا به. هل نحن حاضرون لتقديم كلّ عزيزٍ فداءً له؟ إذا تطلّب منا الموقف، هل نحنُ جاهزون أم لا؟ هذا له علاقة بالحُლ."
          ❧-ִ໋
          ثانياً التواصل الروحي والنفسي"
          "من يحُب إنسانًا، يتذكرهُ ولا ينساه! عندما تنساه، ينتهي الأمر. يذهب من قلبك بالتدريج، يطويه النسيان من العقل ومن القلب. عندما تتذكرهُ ويبقى في ذاكرتكَ بشكٍل دائم، تزداد حبًا له وتمسكًا به. من يُحب إنسانًا، يذكرهُ في محفٍل من محافل الناس. من يُحب إنسانًا يسأل عنه ويبحث عنه، يتتبع أخباره وأحواله. من يحب إنسانًا يأنس به، ويشتاق إليه. من يحب إنسانًا يدعو له بالحفظ. هذا التواصل الرُوحي يزيد الحب، يجعل الحُب جيّاشًا❥."
          ❣-ִ໋
          ثالثاً تطهير القلب وتزكيته"
          ،،الله خلق القلب هكذا، وهو أدرى. الله سبحانه وتعالى، لا يقبل من قلب الإنسان حُبيّن. أنا أُحب الله وأحب إبليس، لا يُمكن! إذًا، أنا كذّاب! أنا أحب الله وأوليائه، وفي نفس الوقت أحب الدنيا. حب الله وحب الدنيا لا يجتمعان في قلبِ إنساٍن واحد. عندما أُطهر قلبي من حُب الدنيا، أُصبح عاشقًا. انظروا إلى أصحاب الحـُسَين، هؤلاء كانوا عشّاقَا لأنهم تجرّدوا من حب الدنيا! أما الحب المجتمع مع الدنيا، ترك الحُسين في وسط الصحراء ও

"قد تمر الأيام عليك مرورًا ثقيلًا،
           تشعر أنك غير قادر على الاستمرار،
           بعدها يُنعِم الله عليك سكينته 
          ويجعل الطمأنينة في قلبك، يُرضيك
           ويرزقك من حيث لا تحتسب إن الله 
          على كل شيء قدير "

اللهمَّ صلَّ على محمَّد وعلى آل محمَد
          ، كما صليتَ على إبراهيم وعلى آل إبراهيم، 
          إنَّك حميدٌ مجيد، اللهمَّ صلَّ على محمَّد
           وعلى آل محمَد، كما صليتَ على إبراهيم
           وعلى آل إبراهيم، إنَّك حميدٌ مجيد .

“هَل سيَغفِروُ لي الله؟”
          - لا تتَردد في الرجوع إلى الله 
          حتىَ إن كثرت معاصيك
          فَالذي سَترِك و أنت تحَت سقف 
          المَعصية لن يخذلك وأنتَ تحَت جَناح التوبة .