جَحيم.

شگد مشتاگة 

            ظَلَّ يَدوي بِضُلوعيَ اللهَبُ تَتَناثَرُ أَدْموعي عَتَبُ وَالوَرَقَه عَلْوَن عَوَّدْتُها أَتَعَذَّبُ أَبْجَرْحي مِلْحْ كُلْ ساعَه أَعِدِّل وَأَنْذَبِحْ جِمْ ذِبْحَه بِغْيابَك شِفْتُها مُشْتاقْ أَبوسَك بِالنَّحِرْ بوسَه طِفِل قَلْبِه إِنْكَسَرْ مَوْتِه وَعَلى صَدْرِك رَدَّتْها أَمْشي وَأَدَقِّقْ بِالنَّظَرْ لِجِدامَك أَتْبَيَّنْ أَثَرْ طِحْتْ عَلَى وَجْهي وَقَبَّلْتْها مِنْ يُنْتَرِسْ وَجْهي أَتْرابْ أَزْحَفْ وَأَنامْ عَلَى البابْ حَرّ الهَوى يُغَطّيني أُطْفِي الجَمْرْ وَأَشْعِلْ نارْ لا هُدْهُدْ يِجيبْ أَخْبارْ وَآنه الهَجْرْ ماذيني أَفْتَرْ وَأَدورْ كُلْ كَتَرْ لازِمْ إِلَه ذِكْرَه وَعِطِرْ أَذْكُرْ قَبِلْ مِنَّه يِجينه أَهْنا أَذْكُرَه مِنْ سَجَدْ مِنَّه مِشَه وَأَهْنا قَعَدْ أَهْنا كَلِي يِبْنيتِي الحَنينَه أَهْنا شَبَقْنِي أِبْلَهْفِتِه لَلْحينْ أَحِسْ بِقِبْلِتِه وِاتْشابَقَنْ عِيني أَوْيَه عِينَه أَهْنا نِشِدْ عَنْ صِحْتِي يِفْرَحْ أَبُويَه بِضِحْكْتِي كاوِنِي وَالزَيْنَبْ مِشِينه راحْ وَأَخَذْ كُلْ شِي وَيّاهْ ظَلَّتْ مَدامِعْ فِرْكاهْ تِجْرَحْنِي وَاتْواسِينِي تالِيها ما رَدْ لِلْدارْ لا هُدْهُدْ يِجيبْ أَخْبارْ وَآنه الهَجْرْ ماذينِي تَحْتِ التُّرابْ أَنْظُرْ هَدِمْ بِيهْ ريحَتِ الخُوَّه أَشِمْ هاذا العَلِي الأَكْبَرْ عَرِفْتِه أَلْزِمْتِه مِنْ طَرَفْ وَطَرَفْ جِنَّه عَلِي إِقْبالي وَقَفْ نادِيتِه يا خُوَيَّه وَشَبَكْتِه مَرّاتْ أَمْسِكِه مِنِ الرِّدَنْ وَأَمْشي مَعَ الأَكْبَرْ أَظُنْ عَفْيَه خُوَيَّه اللِيلْزِمْ أُخْتِه يِثْقَلْ قَمِيصِكْ يا عَلِي إِتْرابْ وَمَدامِعْ يِمْتِلِي طِينْ إِمْتَلَه بِسْما غَسَلْتِه خَوْفِي عَلَه عِطْرَه يِفُوحْ مِنْ شَمِّتِه إِتْرِدْ الرُّوحْ مِنْ المَرَضْ يِشْفِينِي حُكْمِ الدَّهَرْ وَالأَقْدارْ لا هُدْهُدْ يِجيبْ أَخْبارْ وَآنه الهَجْرْ ماذِينِي .

بَاجِر عُگُب بَاجِر
            جَايَكْ لِلْبَيْتْ وِكِتْ، فَرَّغْلِي
            رُوحَكْ حَتَّى أَحَاجِيهَا
            لِتْگَلِّي الكِبَرْ والْچَفَنْ والتَّابُوت
            فِكْرَةْ مَوْتَكْ مَامْقْتِنِعْ بِيِهَا
            عَدِلْ وِتْضَلْ عَدِلْ
            لَوْ تِنْدِفِنْ مَرَّتِينْ يَا مَحْبُوبْ عِينِي
            وِمِي سَوَاجِيهَا