.

She is rich in everything now:
          In makeup that fits, in voices that carry, In the quiet distance of lives lived apart.
          But in this golden room of plenty,
          I'd trade it all for the girl who knew my heart.
          The air is thick with the scent of expensive perfume and old memories,
          A feast of things we've become, laid out on a table of things we've lost.
          She looks happy-a radiant, finished masterpiece-But I am still staring at the empty canvas where we used to begin 
          Knowing l am surrounded by the "abundance" of the life she's made, 
          While standing in the deep, cold shadow of the price we paid.
          We have found the world, but we lost the map.
          What used to be there is all gone now
          "all gone now”

سێرکە ئەها ماوەیەک پێش ئێستا کە مناڵ بووین وامان ئەزانی ئەوەی ئەمڕۆ کاتی پێوە ئەکوژین کە بەیانی وەستاین ئیتر مێشک سەرقاڵی تازە و دڵیش زوو ڕزگاری ئەبێت ، واشمان ئەزانی ئەو نرخەی لەمڕۆیا دای ئەنێین هەر هەمان خەسەرەکەی سبەینێیە ، کەچی گەورە بووین و تێگەشتین هەنێ خەسارە هی تەمەنێکە و شەرت نییە ئەوەی چوو بچێ ، زۆربەی ئەمێنێتەوە و ئەبێت بە پارچەیەک لێت ، ئیتر بەرە بەرە لەگەڵ بەڕێکردنی ڕۆژەکانت ، سەرکەوتوو ئەبیت لە ئیهمال کردنی هەنێک لەو بەشانە کە ئەمەش خۆت نایکەیت و کات ئەیکات ، ئیهمال کردنەکەش چۆنە بەیانیان کە هەڵەسی شتەکە لە مێشکتا نییە تا ئەوەی شتێک ڕوو ئەیات و بیر ئەکەوێتەوە ئەم شتە بوونی هەبووە ، ئەگینا گیانە خوا نەخواستە مەبەستم ئیهمالییەکی لەبیرکردن نییە ، لە لایەکی تریشەوە لە ڕۆژە باشەکانتا هەوڵی چاندنی چەن گوڵێک ئەیەیت لەسەر درزەکانت و لە ڕۆژە خراپەکانیشا لێ ئەگەڕێیت دڕکەکانی داتبڕنن ، هەرکامێکیان بێت شەو یەت و لەوانەیە تۆش هەمووی بکەی بە قوربانی خەو زڕانێکی بچوک لە تاریکستانەوە

هەنێ شت هی تۆ نەبێ جوانترە بۆیە ئیتر ئەبێت فێری وتنی ( فی أمن الله ) بیت بەزۆربەی ئەو شتانەی خۆشت ئەوێن ، چونکە ئەوەی ڕۆشت ئیتر هیچ کات نایەتەوە تۆش ئەتوانی ئەونەی ئەتەوێ بچیتەوە ڕابردوو تا بە تەواوی ئەبینی ئیتر هیچ کەس چاوەڕێت ناکا لەوێ ، بۆت دەرئەکەوێت لە بنەڕەتدا کەس بیری لای تۆ نەبووە و کەسیش بەقەد تۆ بیری نەکردۆتەوە ، لەوانەیە کەسانێک بدۆزیتەوە کە تۆیان ئازار یاوە و هەنێکی کەش کە تۆ ئازارت یاون ، بەس کاتێک سێرکردنێکی قوڵتری ئەیەیتێ، تۆ دڵی ئەو کەسە ئەشکێنی کە بۆت گرنگ نییە ، باجەکەشی لەو کەسە وەر ئەگریتەوە کە بۆت گرنگە ، لەگەڵ هەنێک شارەکان ئەکەونە نێوانتان و چیتر یەکتر نابینەوە ، سوتفەکانیش ئیتر بە یەکدیتان شاد ناکاتەوە دواتر ڕەنگە یەکێکتان بمرن و ئەوەی دیش هەر نەزانێت ، لە کۆتاییاشدا ئەوانەی لە تەنیشتت ئەمێننەوە ئەو کەسانەن کە خۆشیان دەوێیت نەک ئەوەی تۆ خۆشت ئەوێن ، ئیتر تێ ئەگەیت جوان نییە هەموو کات گلەیی بکرێت لەسەر هەمان هۆکار و ئازار ، بۆیە دەست ئەکەی بە هەوڵی زیاتر بۆ سەرکەوتن ، چونکە هەرچی بوو بو ئەوەی ماوەتەوە هەوڵیانتە گەر ئەو هەوڵەش نەیەیت ، دوای بە شکستیش ئەڵێیت چارەنوس ، لەگەڵ زیاتر تێ پەڕبوونی ڕۆژەکانت بۆو دەر ئەوێت ، هەموو خوانێکت بە ئیسراحەت ناخۆی ، هەموو جەنگێک نابەیتەوە ، هەموو هەوڵێکت سەرکەوتوو نابێت ، ئیتر لەو بەینەیا ئەبێت نە وات لێبێت دووبارە و سێ بارە هەمان هەڵە بکەیتەوە ، نە واشت لێبێت لە ترسی ئەوەی هەڵە نەکەیت ، هەڵەی خراپتر بکەیت ، چونکە گەورە ئەبیت و تێ ئەگەی ، شتێکی سروشتییە کەسێک واز لە شتێکی ژیانی بێنێت لە پێناوی ئەوەی هەمووی نەدۆڕێنێت ، وە ئەوەشی ترس تا ئەوکاتە ترسە کە بەسەرمان نەهاتووە و پیای تێنەپەڕیوین وانەزانی وەڵەمێک بوونی نییە چونکە تۆ نەودۆزیوەتوە وە لە نەبونی وەڵاما خۆت بە شتی لابەلاوە خەریک نەکەیت… 
          ٣:٤٥ دەقەی شەو._
          

لەگەڵ گەورە بوون و زیاتر ڕۆشتنی ڕۆژەکانی تەمەنت فێر ئەبیت کەم دووتر بیت وە چیتر بڵاوکردنەوەی بیرۆکەکانت نابێت بە شتێک کە خواستت بێت ، بگرە پێشی بێزار ئەبیت ، چیتر پەیوەندییە کاتیەکان لە ژیانتا نامێنن ، چیتر سێکردنی کەسانێک کە تەنانەت تواناو نابێ لە نزیکەوە بیان بینی نامێنێت ، گرنگی نایەی بە تویتەکان و قسەکانی کەسانی دەورو بەرت ، خوو ناگری بە زۆر بەکار هێنانی موبایلەوە چونکە چیتر شتێکی زۆر خوازرا و تایبەت بوونی نییە لە موبایلەکەتا ، چیتر پۆستی چەن وشەیەک بەناو کۆمیدی ناوخاتە پێکەنین ، زیاتر ڕێک خراوتر ئەبیت لە ڕووی کەساییەتی و ژیانتەوە ، شتە سەرەکییەکانی ژیانت ، لە تەواو کردنی درامایەک بە کورترین ماوە بۆ دەست پێ کردنی درامایەکی تر ئەگۆڕێت بۆ زوتر تەواو کردنی ئیشەکەت و زوو گەڕانەوە و بۆ ماڵەوە ، مانەوە لە ژورەکەت و گوێگرتن لە گۆرانی و چونە جیهانی تایبەتی خۆتەوە ئەگۆڕێت بۆ ژیانت لە جیهانی ئێستا و چونە دەرەوەت بۆ دەست پێکی کارەکانی ئەمڕۆت ، کاتە بەتاڵەکانت بە بەکار هێنانی موبایل ناڕوات چونکە ئەوەش ئەگۆڕێت بۆ بینینی هاوڕێکانت یانیش خۆ ناشتن لەناو جێگاکەتا و بەتاڵ کردنەوەی ماندوێتیت لە ژیان ، چیتر ئەو هاوڕێیانەی کە هەمیشە ئەوبینین وا نامێنن ، تەنیا هەنێکیان ئەمێننەوە کە ئەویش  شەڕ ئەکەن لەگەڵ کاتە بەتاڵەکانی ژیانتان بۆ دۆزینەوەی دەرفەتێک بۆ یەکتر بینین ، ئێوە گەورە ئەبن و ئەگۆڕێن جیهانیشتان ئەگۆڕێت ، ئەبینی ئەم تەمەنەی کە ئێستا تیای چەن گرنگە چونکە کاتێک گەورە بویت پێویستە لەسەر پێی خۆو بوەستی چیتر زۆربەی بەشی ڕۆژەکەت بیریتی نابێت لەوانەی دەوربەرت بەڵکو تەنیا خۆت ئەبیت ،  هاوڕی ئەدۆزیتەوە و هەستی خۆشەویستی بە چەندین شێواز تاقی ئەکەیتەوە ، هەڵە ئەکەیت و شکست ئەهێنی ، ئەکەویت و درک بە شتەکان ئەکەیت ، زۆرێک لە هەستەکان تاقی ئەکەیتەوە ، درکی بە واقع و ڕاستییەکان ئەکەیت و بەهێزتر ئەبیت ، خۆت ئەدۆزیتەوە و هەست ئەکەی هەموو پێویستیەکان لەناو خۆتا بوونی هەیە