aatdit
تغشوشه بارت 15
فتحت عيني بـصدمه من سمعت صوت حركه بـالحوش مال بيت خاله صبحه بـسرعه مديت رجلي وطلعت اركض بـكل سرعتي اركض اركض وما احس ولا ادري بـروحي رايحه وين او جاي امشي بيا اتجاه اهم شي محد يشوفني حطيت يدي على گلبي اريد اهدئ دكاته الي مثل الطبل واطفي من ناره وبداخلي اذكر رب العالمين واحاول اطمن نفسي بـذكره.
_ربي ان مسني الضر فانك ارحم الراحمين.
الهوى يضرب بوجـهي ماكو ضوى غير الي طالع من بيوت الجيران عيوني دمعن وصوت انفاسي العاليه وصلت مسامعي صوت خطواتي يكدر يسمعه الي بـراس الفرع صوت جلاب من بعيد وصوت السيارات التمشي على شارع العام ليش وصلت نفسي لهل مرحله شنو الي خلاني اتجرأ واتصرف هيج تصرف شكد غبيه اني ضيعت عمري بـيدي.
وكفت بـمكاني من شفت نفسي وصلت شارع العام ووكفت سياره كدامي مباشرتن فتح الجام وشهكت من شفت...