ابو الليل الزبيدي

فد يوم واحد وهو صغير جان يعفط هواي، وكلما يعفط الجهال الوياه يكتلوه، والمعلمة تكتله، وابوه يكتله، وهو كلما يريد يبجي يرجع يعفط، وهم يكتلوه، ويرجع يعفط، لحد ما صارت حياته كلها عفاط، طلع تهريب لتركيا وفات من يم صورة لاتاتورك وعفط، ذبوه بالسجن، طلع صعد بلم راد يطلع لاوروبا، وهم بنص المي المهرّب كله: شسمك؟ هذا عفط، هذا ضاج منه وذبه بالمي، وسبح ووصل لفنلندا، ومناك راح للندن، من وصل الضابط كله انت شسمك؟
          	هو نسى اسمه، تذكر هوايته، لان ما يعرف يسوي شي غيرها، كله: اسمي عفطان..
          	بالانكليزي ماكو طاء، فكله: ويل كم مستر عفتان..
          	وراحت ايام واجت ايام وصار وزير بالعراق، ولهذا الكهرباء جاي تعفّط النا بهالحر الكافر..