A + S = عشق ❤

اصبحت مغرم في هواج ❤

أنا بس بالكلام وذايب بحبّك
وأفكر بيك أنا في ليلي ونهاري
إذا شفتك صدّك شنو يصير أنا بحالي
أظن يغمى عليّ وافقد إبصاري
تعال وصير إلي بالحب غطا وفراش
ودفّيني بحنانك واعرف أسراري
أحبّك كالطفل من يهوى صدر أمّه
يموت من القهر لو فطمته إجباري
زرعتك بالعشق وردة وصرتلك ماي
غصن حبّك شرب من أعذب أنهاري
أنا بدونك مثل بيت أنهدم ساسه
تعال ابني أساسي وابدأ أعماري
حبيبي ارحم بحالي حن على قلبي
أنا بهجرك دمع بعيوني ضل جاري
صرت أنت بقلبي كالنّبض والدم
وسمّيتك حبيبي ملهم أفكاري
تعال وخلي أيدك تشبك أيديّ
واحضنّي وطفّي بالعشق ناري
وخلّي شفتي تشرب مي شفافك
أريد بشفتك ترتوي أزهاري
أريدك كالحمامة تحط على بيتي
وأريدك كالثريّا تنوّر بداري
تعال وصير إلي أنت الهوا والماي
وأريدك كالبلابل تسكن أشجاري
❤❤❤❤❤❤

ماريدج. ليلة ويوم
رايدج صيريلي مريتي وحلالي،
  • في قلبها بأذن الله ❤
  • JoinedJanuary 15, 2019